ప్రపంచాన్ని గడగడలాడిస్తున్న కరోనా కొత్త వేరియంట్ ఒమిక్రాన్ రాజస్థాన్‌లోనూ ప్రవేశించింది. రాజధాని జైపుర్‌లో 9 కేసులు వెలుగుచూశాయి. ఇటీవల దక్షిణాఫ్రికా నుంచి జైపుర్‌కు వచ్చిన నలుగురిలో శాంపిల్స్ సేకరించి జీనోమ్ సీక్వెన్సింగ్ కోసం పంపించగా ఒమిక్రాన్ బయటపడింది.
వారితో పరిచయం ఉన్న మరో ఐదుగురిని పరీక్షించగా వారికీ పాజిటివ్గా తేలింది. వీరిలో ముగ్గురు చిన్న పిల్లలు కూడా ఉన్నారు. ఒమిక్రాన్ పాజిటివ్గా తేలిన వారిని ఆర్యూహెచ్ఎస్ ఆసుపత్రికి తరలించి చికిత్స అందిస్తున్నారు. ప్రస్తుతం రోగుల పరిస్థితి బాగానే ఉందని.. లక్షణాలేవీ లేవని వైద్యులు తెలిపారు.
Omicron cases in india:
దేశంలో ఒమిక్రాన్ వ్యాప్తి క్రమంగా పెరుగుతోంది. మొత్తంగా 21 కేసులు నిర్ధరణ అయ్యాయి. ఈ నేపథ్యంలో వైరస్ కట్టడికి వివిధ రాష్ట్రాలు చర్యలు చేపడుతున్నాయి. విదేశాల నుంచి వచ్చినవారికి విమానాశ్రయంలోనే ఆర్టీపీఆర్ పరీక్షలు నిర్వహిస్తున్నాయి. అనుమానితులను క్వారంటైన్కు తరలిస్తున్నాయి. ఇప్పటివరకూ పలు రాష్ట్రాల్లో బయటపడిన కేసుల వివరాలు గమనిస్తే..
'మహా'లో..
Omicron cases in Maharashtra: మహారాష్ట్రలోనూ ఆదివారం మరో ఏడు ఒమిక్రాన్ కేసులు వెలుగుచూశాయి. విదేశాల నుంచి వచ్చిన నలుగురితో పాటు.. వారిని కలిసిన మరో ముగ్గురిలో కొత్త వేరియంట్ నిర్ధరణ అయినట్లు ఆ రాష్ట్ర ఆరోగ్య శాఖ వెల్లడించింది. వీరిలో నైజీరియా నుంచి వచ్చిన ఓ మహిళ, ఆమె ఇద్దరు కూతుళ్లు ఉన్నారు. పుణె జిల్లా, పింప్రి చించ్వాడా ప్రాంతంలోని తన సోదరుడిని కలిసేందుకు వచ్చినట్లు తెలుస్తోంది. ఫలితంగా ఆమె సోదరుడు, ఆయన ఇద్దరు కుమార్తెలకు సైతం ఒమిక్రాన్ సోకడం గమనార్హం. మరోవైపు.. ఫిన్లాండ్ నుంచి పుణెకు గత నెల చివర్లో వచ్చిన వ్యక్తికి సైతం ఒమిక్రాన్ నిర్ధరణ అయింది.
దక్షిణాఫ్రికా నుంచి దిల్లీ మీదుగా పుణెలోని దోంబివలీకి వచ్చిన వ్యక్తికి వైరస్ సోకినట్లు శనివారం ప్రకటించింది మహారాష్ట్ర ప్రభుత్వం. దీనితో రాష్ట్రంలో ఒమిక్రాన్ వేరియంట్ కేసుల సంఖ్య ఎనిమిదికి చేరాయి.
దిల్లో..
Omicron Delhi: భారత్లో కరోనా కొత్త వేరియంట్ ఒమిక్రాన్ కేసులు.. క్రమంగా వివిధ రాష్ట్రాల్లో వెలుగు చూస్తున్నాయి. దిల్లీలో తొలిసారి ఓ వ్యక్తికి ఒమిక్రాన్ సోకినట్లు ఆదివారం తేలింది. సదరు వ్యక్తిని ఎల్ఎన్జీపీ ఆస్పత్రికి తరలించి చికిత్స అందిస్తున్నారు. ఆ వ్యక్తి టాంజానియా నుంచి ఇటీవలే భారత్కు వచ్చాడు. ఇటీవల విదేశాల నుంచి దిల్లీకి వచ్చినవారిలో 17 మందికి కరోనా పాజిటివ్గా తేలింది. వారిలో 12 మంది నమూనాలను జన్యుపరీక్షల కోసం పంపించగా.. ఒమిక్రాన్ కేసు బయటపడింది.
గుజరాత్లో..
Gujarat Omicron: గుజరాత్లోని జామ్నగర్లో ఒకరికి కరోనా కొత్త వేరియంట్ సోకినట్లు ఆ రాష్ట్ర ఆరోగ్య శాఖ శనివారం వెల్లడించింది. జామ్నగర్కు చెందిన 72 ఏళ్ల వ్యక్తి ఆఫ్రికాలోని జింబాబ్వే నుంచి ఇటీవల స్వగ్రామానికి చేరుకోగా.. వైరస్ నిర్ధరణ అయినట్లు అధికారులు తెలిపారు.
కర్ణాటకలో..
karnatka omicron: కర్ణాటక బెంగళూరులో రెండు ఒమిక్రాన్ కేసులు వెలుగుచూసినట్లు కేంద్రం గురువారం అధికారికంగా ప్రకటించింది. నవంబర్ 11, 20వ తేదీల్లో బెంగళూరుకు వచ్చిన వారిలో ఒమిక్రాన్ నిర్ధరణ అయినట్లు వెల్లడించారు కేంద్ర వైద్య ఆరోగ్య శాఖ సంయుక్త కార్యదర్శి లవ్ అగర్వాల్. వీరిలో ఒకరి వయసు 66ఏళ్లు కాగా.. మరొకరి వయసు 46 ఏళ్లని తెలిపారు.
