Gold biscuits under flight seat: కర్ణాటక కెంపెగౌడ విమానాశ్రయంలో అక్రమంగా తరలిస్తున్న బంగారాన్ని కస్టమ్స్ అధికారులు పట్టుకున్నారు. విమానం సీటు కింద దాచిన 24 బంగారు బిస్కెట్లను స్వాధీనం చేసుకున్నారు. వీటి విలువ రూ.1.37 కోట్లు ఉంటుందని చెప్పారు.
ఎలా పట్టుకున్నారంటే..?
Gold smuggling in flight: దుబాయ్ నుంచి కెంపెగౌడ విమానాశ్రయానికి ఇండిగో ఎయిర్లైన్స్కు చెందిన 6E 096 విమానం.. మంగళవారం ఉదయం 10:30 గంటలకు చేరుకుంది. ఆ సమయంలో ప్రయాణికులు అందరూ కిందకు దిగారు. విమానంలో భారీ మొత్తంలో బంగారాన్ని అక్రమంగా తరలిస్తున్నారని నిఘా వర్గాలు ఇచ్చిన సమాచారంతో... బెంగళూరు కస్టమ్స్ అధికారులు విమానాన్ని పూర్తిగా గాలించారు. ఓ సీటు కింద బూడిద రంగు టేపులో సీల్ చేసిన రెండు కడ్డీ లాంటి వస్తువులను అధికారులు గుర్తించారు. వాటిని తెరిచి చూడగా.. అందులో 24 బంగారు బిస్కెట్లు కనిపించాయి.
పథకం ప్రకారమే స్మగ్లర్... బంగారు బిస్కెట్లను విమానంలోని సీటు దాచిపెట్టారని అధికారులు తెలిపారు. వాటిని తమ స్మగ్లింగ్ ముఠాకు చెందిన మరో వ్యక్తి పొందేందుకు వీలుగా ఈ ఏర్పాటు చేసినట్లు చెప్పారు. స్వాధీనం చేసుకున్న పసిడి బరువు 2.8కిలోలు ఉంటుందని పేర్కొన్నారు. దీనిపై తదుపరి దర్యాప్తు కొనసాగిస్తున్నామని వెల్లడించారు.
ఇదీ చూడండి: Bihar girl google job: ఈమె జీతం రూ.కోటిపైనే
ఇదీ చూడండి: ప్రభుత్వ ఉద్యోగులకు సెలవులు రద్దు- కారణం ఇదే!
