రెండేళ్ల బాబును కిడ్నాప్(Kidnap) చేసి హతమార్చారు(Murder) సొంత పెద్దమ్మ, పెదనాన్న. ఆ తర్వాత మృతదేహాన్ని ఎవరికీ తెలియకుండా డ్రైనేజీ గుంటలో పడేసి వెళ్లారు. ఈ దారుణం దిల్లీలోని రాజౌరీ గార్డెన్ పరిధిలో జరిగింది. బాలుడి తల్లిదండ్రుల ఫిర్యాదుతో మిస్సింగ్ కేసు నమోదు చేసుకున్న పోలీసులు.. దర్యాప్తు ప్రారంభించారు. సీసీటీవీ ఫుటేజీ ఆధారంగా నిందితులను అరెస్ట్ చేశారు.
కారణం అదేనా?
దిల్లీలోని రఘుబిర్ నగర్లో ఉండే యమున(24).. తన భర్త రాజేశ్తో కలిసి సుభాష్ నగర్లోని తన సోదరి కొడుకుని కిడ్నాప్ చేసింది. దంపతులు ఇద్దరూ.. బాబును పంజాబీ భాగ్ దగ్గర ఉన్న డ్రైనేజీ వద్దకు తీసుకెళ్లి గొంతునులిమి చంపి.. మృతదేహాన్ని డ్రైనేజీ గుంటలో పడేశారు.
'నా కూతురి కంటే.. నా సోదరి కుమారుడే మా అమ్మకు ఎక్కువ ఇష్టం అని, అందుకే బాలుడిని చంపాలని నిర్ణయించుకున్నామని' విచారణలో యమున తెలిపినట్లు పోలీసులు పేర్కొన్నారు.
ఇదీ చదవండి: బిడ్డకు జన్మనిచ్చిన మైనర్- డీఎన్ఏ పరీక్షకు ఏడుగురు!
