భారత్-చైనా సరిహద్దు గాల్వన్ లోయలో జరిగిన ఘర్షణలో అమరుడైన కర్నల్ సంతోష్బాబు విగ్రహం పశ్చిమ గోదావరి జిల్లా దువ్వలో రూపుదిద్దుకుంటోంది. దేశం కోసం ప్రాణాలు అర్పించిన సంతోష్బాబు విగ్రహాన్ని తమ గ్రామంలో ప్రతిష్టించేందుకు పశ్చిమ గోదావరి జిల్లా కైకవరంలో ఆర్యవైశ్య సంఘం నిర్ణయించింది. ఈ విగ్రహ తయారీ బాధ్యతలను తణుకు మండలం దువ్వ గ్రామానికి చెందిన సీఎస్ కళానిలయం నిర్వాహకులకు అప్పగించారు. శిల్పకళా నిలయ అధినేత చంద్రశేఖర్... విగ్రహం జీవం ఉట్టిపడేలా తుది మెరుగులు దిద్దుతున్నారు. సంతోష్బాబు విగ్రహం తయారీ తమకు అప్పగించడంపై తయారీదారులు ఆనందం వ్యక్తం చేస్తున్నారు.
దేశంకోసం ప్రాణత్యాగం చేసిన సంతోష్బాబు విగ్రహం తయారు చేయటం మాకు చాలా ఆనందంగా ఉంది. గతంలో తయారు చేసిన రాజకీయనాయకుల విగ్రహాలకు ఎంతో పేరు వచ్చింది. సంతోష్బాబు విగ్రహం మాకు మరింత గుర్తింపు తీసుకొస్తుందని అనుకుంటున్నాము - చంద్రశేఖర్
ఇదీ చదవండి: టిక్టాక్ కోసం విద్యుత్ స్తంభం ఎక్కాడు... తరువాత?
