'రాష్ట్రంలో కరవు, తాగునీటి సమస్యలు తీర్చండి'

ఎన్నికల కారణంగా ప్రజల సమస్యలు చర్చకు నోచుకోవడం లేదని సీపీఐ రాష్ట్ర కార్యదర్శి రామకృష్ణ అన్నారు. రాయలసీమ, ఉత్తరాంధ్ర, ప్రకాశం జిల్లాల్లో ప్రజలు కరవుతో వలస వెళ్తున్నారని తెలిపారు. ప్రభుత్వ ప్రధాన కార్యదర్శి ఎల్.వి.సుబ్రహ్మణ్యంను కలిసి ఈ అంశాలపై వినతిపత్రాన్ని అందించారు. తాగునీటి సమస్యపై యుద్ధ ప్రాతిపదికన చర్యలు తీసుకోవాలని విజ్ఞప్తి చేశారు. రైతులు కరవుతో ఇబ్బందులు పడుతున్నారని ఆవేదన వ్యక్తం చేశారు.