టీ20 ప్రపంచకప్లో (T20 World Cup 2021) టీమ్ఇండియా కథ ముగిసింది. మరో మ్యాచ్ మిగిలుండగానే సెమీస్ రేసు (Team India Semi Final) నుంచి నిష్క్రమించింది. ఆదివారం అఫ్గానిస్థాన్తో జరిగిన మ్యాచ్లో (NZ vs Afg) గెలిచి న్యూజిలాండ్ సెమీస్కు చేరింది. దీంతో కోహ్లీసేనకు సోమవారం నమీబియాతో జరగాల్సిన మ్యాచ్ నామమాత్రంగా మారింది.
ఈ టీ20 ప్రపంచకప్తో అంతర్జాతీయ టీ20ల నుంచి కెప్టెన్గా వైదొలగనున్నట్లు విరాట్ కోహ్లీ (Virat Kohli News) ఇదివరకే ప్రకటించాడు. దీంతో కోహ్లీ సారథ్యంలో ఐసీసీ ట్రోఫీ కల ఈ టోర్నీతో తీరాలని టీమ్ఇండియా క్రికెటర్లు సహా ఎందరో అభిమానులు ఆకాంక్షించారు. కానీ అది నెరవేరకుండానే టీమ్ఇండియా ఇంటిముఖం పట్టింది.
ఆదిలోనే ఎదురుదెబ్బ..
కోహ్లీసేన ట్రోఫీ కలను ఆరంభంలోనే దెబ్బతీసింది దాయాదీ (Pakistan Cricket News) పాకిస్థాన్. ప్రపంచకప్లలో ఈ టోర్నీకి ముందు టీమ్ఇండియాపై ఒక్కటంటే ఒక్క విజయం లేని పాక్.. తొలిసారి భారత జట్టుపై (Ind vs Pak) గెలిచింది. ఆ మ్యాచ్లో 10 వికెట్ల తేడాతో గెలిచి మనకు పరాభవాన్ని మిగిల్చింది.
ఆ తర్వాత న్యూజిలాండ్తో మ్యాచ్లోనూ (Ind vs NZ) టీమ్ఇండియా భవిత మారలేదు. బ్యాటర్లు విఫలమైన వేళ 7 వికెట్లు కోల్పోయి 110కే కుప్పకూలింది భారత్. కివీస్ 8 వికెట్ల తేడాతో విజయం సాధించింది.
సెమీస్ రేసులో నిలవాలంటే తప్పక గెలవాల్సిన మ్యాచ్లో (Ind vs Afg T20) అప్గాన్పై విశ్వరూపం చూపించింది టీమ్ఇండియా. కేఎల్ రాహుల్, రోహిత్ శర్మ చెలరేగి ఆడారు. దీంతో 66 పరుగుల తేడాతో భారీ విజయాన్ని నమోదు చేసింది.
స్కాట్లాండ్తో (Ind vs Scotland) మ్యాచ్లోనూ టీమ్ఇండియా దుమ్మురేపింది. సెమీస్ ఆశలను నిలబెట్టుకోవడానికి నెట్రన్రేట్ పెంచుకోవాల్సిన తరుణంలో స్కాట్లాండ్ను 85 పరుగులకే కట్టడి చేసింది. ఆ తర్వాత 6.3 ఓవర్లలోనే ఆ లక్ష్యాన్ని ఛేదించింది గ్రూప్లోనే పాక్ సహా మిగిలిన అన్ని జట్ల కన్నా అత్యుత్తమ నెట్రన్రేట్ (+1.619) సాధించింది. 4 పాయింట్లతో టేబుల్లో మూడో స్థానానికి చేరుకుంది.
ఆశ నెరవేరలేదు..
అయితే అప్పటికే జరగాల్సిన నష్టం జరిగిపోయింది. అప్గాన్తో కివీస్ మ్యాచ్కు ముందు.. 8 పాయింట్లతో ఉన్న పాక్ నేరుగా సెమీస్ చేరింది. 6 పాయింట్లతో (3 విజయాలు) ఉన్న కివీస్.. అఫ్గాన్పై గెలిస్తే నేరుగా సెమీస్కు వెళ్తుంది (అదే జరిగింది). ఒకవేళ 4 పాయింట్లతో ఉన్న అఫ్గాన్ గెలిచి ఉంటే.. అప్పుడు భారత్కు అవకాశం ఉండేది. సోమవారం నమీబియాతో జరగాల్సిన మ్యాచ్లో కోహ్లీసేన గెలిస్తే.. టీమ్ఇండియాకు 6 పాయింట్లు లభిస్తాయి. అఫ్గాన్ కన్నా మెరుగైన నెట్రన్రేట్ ఉంది కాబట్టి.. టీమ్ఇండియా సెమీస్ చేరుకునేది. కానీ, ఆ ఆశ నెరవేరలేదు.
ఇదీ చూడండి: అఫ్గాన్పై న్యూజిలాండ్ విజయం.. ఇండియా ఇంటికి
