ICC World Cup Tickets : క్రికెట్ లవర్స్ ఎంతగానో ఎదురు చూస్తున్న ప్రపంచ కప్ పోటీలకు సర్వం సిద్ధమౌతోంది. ఇప్పటికే ఆయా వేదికల వద్ద భారీ ఎత్తున సన్నాహాలు జరుగుతున్న తరుణంలో అభిమానుల కోసం బీసీసీఐ సంస్థ ఓ గుడ్ న్యూస్ చెప్పనుంది. త్వరలోనే మ్యాచ్లకు సంబంధించిన టికెట్లను విక్రయించేందుకు సిద్ధంగా ఉందట. ఈ మేరకు ఆగస్టు 10 నాటికి ఆన్‌లైన్ టికెట్ విక్రయాలను ప్రారంభించాలని భావిస్తున్నట్లు సమాచారం. ఈ క్రమంలో ఇప్పటికే ప్రపంచ కప్ మ్యాచ్లకు ఆతిథ్యం ఇవ్వనున్న అన్ని అసోసియేషన్ల నుంచి టిక్కెట్ ధరల గురించి సూచనలను కోరిందట. దిల్లీలో రాష్ట్ర సంఘాలతో సమావేశమైన జై షా.. టికెట్ విక్రయంతో పాటు పలు అంశాల గురించి చర్చించారు. జూలై 31 లోపు తమ ఖరారు చేసిన టికెట్ ధరలను బోర్డుతో పంచుకోవాలని రాష్ట్ర సంస్థలను ఆయన కోరారు. ఆ తర్వాత మాత్రమే టిక్కెట్లను అమ్మకానికి పెట్టనున్నట్లు తెలిపారు.
ICC World Cup Schedule : అయితే ఇప్పటికే విడుదలైన షెడ్యూల్లో కొన్ని మార్పులు జరిగే అవకశాలు కూడా కనిపిస్తున్నాయి. ఈ విషయంపై మూడు దేశాల బోర్డులు ఐసీసీకి లేఖలు రాసి షెడ్యూల్లో మార్పును అభ్యర్థించాయట. దీనిపై స్పందించిన జై షా వచ్చే మూడు, నాలుగు రోజుల్లోనే ఈ షెడ్యూల్ సమస్యకు ఓ పరిష్కరాన్ని తీసుకొస్తామని ఓ వార్త పత్రికకు ఇచ్చిన ఇంటర్వ్యూలో తెలిపారు. అయితే తేదీలతో పాటు సమయం మాత్రమే మార్చుతామని, వేదికల్లో మార్పులుండవని ఆయన అన్నారు. ఐసీసీని సంప్రదించాకే ఈ విషయాన్ని అధికారికంగా వెల్లడిస్తామని జై షా అన్నారు. అహ్మదాబాద్‌లోని నరేంద్ర మోదీ స్టేడియం వేదికగా జరగనున్న భారత్-పాకిస్థాన్‌ మ్యాచ్ రీషెడ్యూల్పై కూడా త్వరలో నిర్ణయం తీసుకోనున్నట్లు తెలిపారు.
India Vs Pakistan World Cup 2023 : ఇక మ్యాచ్ల విషయానికి వస్తే.. భారత్ వేదికగా అక్టోబర్ 5 నుంచి నవంబర్ 19 వరకు ఐసీసీ వన్డే ప్రపంచకప్‌ జరగనుంది. ఇంగ్లాండ్ - న్యూజిలాండ్ మ్యాచ్‌తోనే ఈ మెగా సంగ్రామం ప్రారంభం కానుంది. అయితే అటు క్రికెట్ లవర్స్తో పాటు ప్రపంచం మెత్తం భారత్ - పాక్ మ్యాచ్ కోసం ఎదురు చూస్తోంది. షెడ్యూల్ ప్రకారం అక్టోబర్ 15న అహ్మదాబాద్‌లోని నరేంద్ర మోదీ వేదికగా జరగాల్సి ఉంది. అయితే, మ్యాచ్ జరిగే తేదీ మారే అవకాశాలు ఉన్నాయనే ఊహాగానాలు విపరీతంగా వస్తున్నాయి. అయితే ఈ మ్యాచ్కు ఇప్పటి నుంచే ఓ రేంజ్లో హైప్ క్రియేట్ అయ్యింది. ఈ మ్యాచ్ జరిగే వారంలో.. అహ్మదాబాద్ సహా, సమీప నగరాల్లో లగ్జరీ హోటల్స్ రేట్లు అమాంతం పెరిగిపోయాయి. కొన్ని హోటల్స్లో ఒక రోజు బస చేసేందుకు సుమారు రూ. 80 వేల ఖర్చు చేయాల్సి వస్తుందని సమాచారం. పాక్ ప్రపంచ కప్లో తమ మిగతా మ్యాచ్లను కోల్కతా, చెన్నై, బెంగళూరు, హైదరాబాద్లలో ఆడనుంది.
