Common wealth games Teamindia: కామన్వెల్త్ క్రీడల్లో క్రికెట్కు చోటు కల్పించేందుకు చాలా కాలం నుంచి ప్రయత్నాలు జరుగుతున్నాయి. 1998లో కౌలలాంపుర్లో జరిగిన కామన్వెల్త్ క్రీడల్లో మెన్స్ వన్డే క్రికెట్ను నిర్వహించారు. మళ్లీ ఇన్నాళ్లకు ఇప్పుడు బర్మింగ్హమ్ వేదికగా జరగనున్న 2022 కామన్వెల్త్ క్రీడల్లో మహిళల క్రికెట్కు అవకాశమిచ్చారు. తాజాగా జట్టును ప్రకటించారు. టీ20 ఫార్మాట్లో జరిగే ఈ టోర్నీలో పాల్గొనే 15 మంది ప్లేయర్స్ పేర్లను ప్రకటించారు. హర్మన్ప్రీత్ కౌర్ కెప్టెన్గా, స్మృతి మంధాన వైస్కెప్టెన్గా వ్యవహరించనుంది. అలాగే ఆంధ్రప్రదేశ్ నుంచి సబ్బినేని మేఘనకు జట్టులో చోటు లభించింది. గ్రూప్-ఏలో భారత్, ఆస్ట్రేలియా, బార్బడోస్, పాకిస్థాన్ ఉండగా.. గ్రూప్-బీలో శ్రీలంక, ఇంగ్లాండ్, న్యూజిలాండ్, సౌతాఫ్రికా గ్రూప్-బీలో ఉన్నాయి. ఈ నెల 29న ఆస్ట్రేలియాతో భారత్ తొలి మ్యాచ్ ఆడనుంది. రెండు గ్రూపుల్లో టాప్-2లో నిలిచిన జట్లు సెమీ ఫైనల్‌కు చేరతాయి.
భారత టీ20 జట్టు: హర్మన్ప్రీత్ (కెప్టెన్), స్మృతి మంధాన (వైస్ కెప్టెన్), షెఫాలీ వర్మ, సబ్బినేని మేఘన, తానియా, యస్తిక , దీప్తి శర్మ, రాజేశ్వరి గైక్వాడ్, పూజా వస్త్రాకర్, మేఘన సింగ్, రేణుక సింగ్, జెమీమా, రాధా యాదవ్, హర్లీన్, స్నేహ్‌ రాణా.
కాగా, భారత్ ఇటీవలే శ్రీలంకతో జరిగిన సిరీస్‌ను 2-1 తేడాతో సొంతం చేసుకుని ఆత్మవిశ్వాసంతో కామన్వెల్త్‌లో బరిలోకి దిగుతోంది. ఈ విషయంపై ఉమెన్ క్రికెట్ జట్టు కోచ్ రమేశ్ పొవార్ మాట్లాడుతూ.. "శ్రీలంకతో సిరీస్‌ నుంచే కామన్వెల్త్ గేమ్స్‌కు సన్నాహాలు ప్రారంభించాం. వికెట్స్ నెమ్మదిగా ఉంది. కాబట్టి బౌలింగ్‌కు అనుకూలించే అవకాశముంది. నాకు తెలిసి పెద్ద స్కోర్లు ఇక్కడ నమోదు కావు. అయితే హర్మన్ ప్రీత్, షెఫాలీ వర్మ, జెమియా రోడ్రిగ్స్, స్మృతి మంధానా అద్భుతంగా బ్యాటింగ్ చేస్తున్నారు" అని అన్నాడు. కాగా, బర్మింగ్హమ్ వేదికగా జరగనున్న కామన్వెల్త్ క్రీడలకు భారత్ నుంచి 215 మంది ఆటగాళ్లు హాజరవుతున్నారు. ఈ పోటీలకు 108 మంది పురుషులు, 107 మంది మహిళలతో పాటు 72 మంది టీమ్ ప్రతినిధులు, 26 మంది అదనపు సిబ్బంది, ముగ్గురు జనరల్ మేనెజర్లు, 9 మంది అత్యవసర సిబ్బందితో కలిపి 322 మంది వెళ్తున్నారు.
ఇదీ చూడండి: 'కోహ్లీ జట్టుకు భారంగా మారాడు.. పేరును చూసి టీమ్లోకి తీసుకోవద్దు'
