నాగచైతన్య, సమంత.. టాలీవుడ్లో ఈ జంటకు ఉండే క్రేజే వేరు. టాలీవుడ్లో స్టార్ కపుల్స్గా గుర్తింపు పొందిన వీరు.. ఇప్పుడు హైదరాబాద్ నుంచి గోవాకు మకాం మారుస్తున్నారనే వార్తలు సినీ వర్గాల్లో చక్కర్లు కొడుతున్నాయి. ఈ జంట.. డ్రీమ్హౌస్ కట్టుకోవడం కోసం గోవాలో మంచి స్థలం చూసుకున్నారని, త్వరలోనే ఇంటి నిర్మాణం ప్రారంభిస్తారనే గుసగుసలు వినపడుతున్నాయి.
చైతూతో పెళ్లి తర్వాత సామాజిక మాధ్యమాల్లో తన పేరు చివరు అక్కినేని చేర్చిన సమంత.. ఇటీవల ఆ పేరును తొలగించి అభిమానులను అయోమయానికి గురిచేసింది. ఇందుకు కారణం ఏమై ఉంటుందా అని చర్చ జరుగుతున్న సమయంలో డ్రీమ్హౌస్ వార్త టాలీవుడ్లో ప్రాధాన్యం సంతరించుకుంది. మరి ఈ వార్తల్లో నిజం ఎంతో తెలియాలి అంటే దీనిపై ఈ జంట స్పష్టత ఇచ్చే వరకూ ఆగాల్సిందే.
గుణశేఖర్ దర్శకత్వంలో సమంత నటించిన పాన్ ఇండియా సినిమా 'శాకుంతలం' ఇటీవల చిత్రీకరణను పూర్తి చేసుకుంది. 'ది ఫ్యామిలీ మ్యాన్ 2' వెబ్సిరీస్తో బాలీవుడ్ దృష్టినీ ఈమె ఆకర్షించింది. చైతన్య కూడా వరుస సినిమాలతో బిజీగా ఉన్నారు. బాలీవుడ్లో స్టార్ ఆమిర్ఖాన్ 'లాల్ సింగ్ చద్దా'లో కీలక పాత్ర పోషిస్తున్నారు.
ఇదీ చదవండి : ఎన్టీఆర్ కోసం బాలీవుడ్ నుంచే!
