Rajamouli: జూనియర్ ఎన్టీఆర్-రామ్చరణ్ కాంబినేషన్లో దర్శకధీరుడు రాజమౌళి తెరకెక్కించిన చిత్రం 'ఆర్ఆర్ఆర్'. ఈ సినిమాపై ఆది నుంచి భారీగా ఉన్న అంచనాలు.. ఇటీవలే విడుదలైన ట్రైలర్తో పతాకస్థాయికి చేరాయి. ఇక వచ్చే మూడు వారాల పాటు 'ఆర్ఆర్ఆర్' సందడి ఓ రేంజ్లో ఉండబోతోంది అంటూ ఇటీవలే చిత్రబృందం చేసిన ప్రకటన అభిమానుల్లో ఉత్సహాన్ని నింపింది. సినిమా గురించి ఎలాంటి విశేషాలను వెల్లడిస్తారో అని ఉత్కంఠగా ఎదురుచూస్తున్నారు.
ఈ క్రమంలోనే ఓ ఆసక్తికరమైన విషయాన్ని పంచుకున్నారు రాజమౌళి. ముంబయిలో ఆదివారం జరిగిన ప్రీ రిలీజ్ ఈవెంట్లో ఫ్యాన్స్కు గూస్బంప్స్ను తెప్పించే సీన్ గురించి మాట్లాడారు.
"ఆర్ఆర్ఆర్'లో ఒక ప్రత్యేకమైన సన్నివేశం ఉంది. అది ప్రతి ఒక్కరినీ మంత్రముగ్ధులను చేస్తుంది. ప్రస్తుతానికి ఈ సన్నివేశాన్ని సీక్రెట్గానే ఉంచుతున్నా. దానిని థియేటర్లలోనే అనుభూతి చెందాలి."
-ఎస్ఎస్ రాజమౌళి, దర్శకుడు
'ఆర్ఆర్ఆర్'లో రామ్చరణ్ అల్లూరి సీతారామరాజుగా, ఎన్టీఆర్ కొమురం భీమ్గా నటించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, సముద్రఖని, శ్రియ కీలకపాత్రలు పోషించారు.
పాన్ ఇండియా స్థాయిలో జనవరి 7న రిలీజయ్యే ఈ సినిమాకు కీరవాణి సంగీతమందించారు. ఇప్పటికే వచ్చిన పాటలన్నీ.. శ్రోతల్ని అలరిస్తూ చిత్రంపై అంచనాల్ని పెంచుతున్నాయి. డీవీవీ దానయ్య రూ.450 కోట్లతో ఈ సినిమాను నిర్మించారు.
- " class="align-text-top noRightClick twitterSection" data="">
ఇవీ చూడండి:
'ఆర్ఆర్ఆర్' రిలీజ్.. ఎవరూ ఆ సాహసం చేయొద్దు: సల్మాన్ఖాన్
