Radhe shyam release date: రెబల్ స్టార్ ప్రభాస్, పూజాహెగ్డే నటించిన 'రాధేశ్యామ్' చిత్రంలోని రెండో ట్రైలర్ విడుదలైంది. ఆద్యంతం అబ్బురపరిచే విజువల్స్తో ట్రైలర్ సినిమాపై అంచనాలను పెంచుతోంది. 'నేను ఎవరి చేతి రాతలైనా ఒక్కసారే చూస్తాను.. రెండోసారి చూడను' అని ప్రభాస్ చెప్పిన డైలాగ్ అభిమానులను అలరించింది.
1970ల కాలం నాటి ప్రేమకథతో రూపొందిన ఈ చిత్రంలో ప్రభాస్ విక్రమాదిత్య అనే హస్తసాముద్రికా నిపుణుడిగా నటించారు. ఆయన ప్రేయసి ప్రేరణగా పూజాహెగ్డే కనిపించనుంది. రాధాకృష్ణ కుమార్ దర్శకత్వం వహించిన ఈ సినిమాను గోపీకృష్ణ మూవీస్‌, యూవీ క్రియేషన్స్‌ సంస్థలు సంయుక్తంగా నిర్మించాయి. మార్చి 11న ఈ చిత్రం థియేటర్లలోకి రానుంది.
రొమాంటిక్ లవ్స్టోరీగా తెరకెక్కుతున్న ఈ సినిమాకు దర్శకధీరుడు రాజమౌళి వాయిస్ ఓవర్ ఇచ్చారు. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు.
ప్రభాస్ ప్రస్తుతం సలార్, ప్రాజెక్ట్-కే చిత్రాల్లో నటిస్తున్నారు. ప్రభాస్ నటించిన 'ఆదిపురుష్' చిత్రం షూటింగ్ పూర్తిచేసుకుంది.
పెళ్లిపై రిప్లై ఇచ్చిన ప్రభాస్..
Prabhas Radhe Shyam Trailer: రాధేశ్యామ్ రిలీజ్ ట్రైలర్ వేడుక ముంబయిలో ఘనంగా జరిగింది. ఈ కార్యక్రమంలో ప్రభాస్, పూజాహెగ్డే పాల్గొని సందడి చేశారు. ఇప్పటివరకు పెళ్లి చేసుకోకపోవడానికి కారణం ఏంటి? అని విలేకరులు అడగ్గా తనదైన శైలిలో సరదాగా సమాధానం చెప్పారు ప్రభాస్. ప్రేమపై తన అంచానాలు ప్రతిసారి తప్పాయని, అందుకే తనకు ఇంకా పెళ్లి కాలేదని బదులిచ్చారు.
జాతకం చెప్పించుకున్న ప్రభాస్..
ట్రైలర్ రిలీజ్ వేడుకలో భాగంగా ఏర్పాటు చేసిన ఆస్ట్రాలజీ కార్నర్‌లో ప్రభాస్, పూజాహెగ్డే హస్తసాముద్రికా నిపుణుడితో జాతకం చెప్పించుకున్నారు. ఈ ఫొటోలు ఇప్పుడు నెట్టింట వైరల్‌గా మారాయి.
- " class="align-text-top noRightClick twitterSection" data="">
ఇదీ చూడండి: 'పొన్నియన్ సెల్వన్'లో యుద్ధ వీరుడిలా విక్రమ్.. మెరిసిన ఐశ్వర్య, త్రిష
