Pooja Hegde Prabhas: కెరీర్లో వరుస సినిమాలతో దూసుకెళ్తోంది స్టార్ హీరోయిన్ పూజాహెగ్డే. ఇటీవల విడుదలైన రాధేశ్యామ్ సినిమాలో తన నటనతో ప్రేక్షకుల హృదయాలను గెలుచుకుంది. ఆ చిత్ర షూటింగ్లో హీరో ప్రభాస్తో భేదాభిప్రాయాలు వచ్చినట్లు వార్తలు చక్కర్లు కొట్టాయి. ప్రభాస్తో మాత్రమే కాకుండా సమంతతో కూడా విభేదాలున్నట్లు నెటిజన్లు మాట్లాడుకున్నారు. వీటిన్నంటిపై పూజ స్పందించింది.
"సోషల్మీడియాలో అలాంటి పుకార్లు వచ్చినప్పటికీ ..సెట్స్లో మా మధ్య ఏం జరగలేదు. నాకు, ప్రభాస్కు ఎలాంటి విభేదాలు లేవు. కానీ ప్రజలు మాత్రం ఇలాంటి విషయాలు మాట్లాడుకోవడానికే ఎక్కువగా మొగ్గు చూపుతున్నారు. దానికి నేనేం చేయలేను. నా సోషల్ మీడియా హ్యాండిళ్లలో ఎప్పుడూ మంచి విషయాల కోసమే పోస్టులు ఉంటాయి. అలాంటి పుకార్లను నేను పట్టించుకోను"
- --పూజా హెగ్డే, హీరోయిన్
ఇంతకుముందు కూడా పూజా, ప్రభాస్ మధ్య సెట్స్లో ఏదో ఒక సందర్భంలో విభేదాలు వచ్చాయని పుకార్లు వస్తే యూవీ క్రియేషన్స్ కొట్టిపడేసింది. ప్రభాస్, పూజా ఒకరినొకరు గౌరవించుకుంటారని చెప్పింది. యంగ్ రెబల్ స్టార్ ప్రభాస్తో కలిసి పూజాహెగ్డే నటించిన 'రాధే శ్యామ్' సినిమా మార్చి 11న ప్రేక్షకుల ముందుకొచ్చింది. గ్రాండ్‌గా విడుదలైన ఈ సినిమా ఫర్వాలేదనిపించింది. తెలుగుతో పాటు వివిధ భాషల్లో విడుదలైన ఈ సినిమాను జాతకాలు, విధిరాత నేపథ్యంలో రూపొందించారు. ఇందులో ప్రభాస్ హస్తసాముద్రికుడిగా కనిపించగా, ఆయన ప్రేయసి ప్రేరణ పాత్రలో పూజా హెగ్డే ఆకట్టుకుంది. రోహిత్ శెట్టి దర్శకత్వంలో తెరకెక్కుతున్న సర్కస్‌లో పూజ కనిపించనుంది. ఈ చిత్రంలో రణవీర్ సింగ్, జాక్వెలిన్ ఫెర్నాండెజ్ సరసన నటిస్తోంది.
ఇదీ చదవండి: RRR Movie Review: 'ఆర్ఆర్ఆర్' ఎలా ఉందంటే?
