ఇటీవలే కరోనా బారిన పడ్డ బాలీవుడ్ బిగ్బీ అమితాబ్ బచ్చన్.. అలా కోలుకున్నారో లేదో షూటింగ్ పనుల్లో బిజీ అయిపోయారు. సోమవారం ప్రముఖ టెలివిజన్ క్విజ్ గేమ్ షో 'కౌన్ బనేగా కరోడ్పతి' చిత్రీకరణ ప్రారంభించినట్లు తెలిపారు. ఈ క్రమంలోనే సెట్స్కు సంబంధించిన ఫొటోలను సామాజిక మాధ్యమాల్లో అభిమానులతో పంచుకుంటూ.. "పీపీఈ కిట్లు ధరించి తిరిగి పని ప్రారంభించా. 2000 సంవత్సరంలో మొదలైన ఈ గేమ్ షోకు ఇప్పుడు 20 ఏళ్లు. చాలా ఆశ్చర్యంగా ఉంది" అని అమితాబ్ రాసుకొచ్చారు.
- " class="align-text-top noRightClick twitterSection" data="
">
దేశవ్యాప్తంగా కేబీసీకి కోట్లాది మంది అభిమానులు ఉన్నారు. 2000 సంవత్సరంలో ప్రారంభించిన ఈ కార్యక్రమం.. ఇప్పటి వరకు 11 సీజన్లు పూర్తి చేసుకుంది. ప్రస్తుతం 12వ ఎడిషన్ నిర్మాణ దశలో ఉంది.
