ప్రముఖ బుల్లితెర వ్యాఖ్యాత సుమ కనకాల వెండితెరపై సందడి చేసేందుకు సిద్ధమవుతున్నారు. ఈ మేరకు ప్రత్యేక వీడియో విడుదల చేశారు. సినీ పరిశ్రమ నుంచి చాలామంది వ్యక్తులు తాను బిగ్ స్క్రీన్కు రావాలని కోరుకుంటున్నట్లు తెలిపారు. అయితే నటిగానా లేక దర్శకురాలా లేక నిర్మాతగా అనేది త్వరలోనే ప్రకటిస్తామని సుమ బృందం చెప్పింది.
1996లో 'కళ్యాణ ప్రాప్తిరస్తు' చిత్రంతో పెద్దతెరపై కనిపించిన సుమ.. పవిత్ర ప్రేమ, వర్షం, ఢీ, బాద్షా చిత్రాల్లో సోదరి పాత్రల్లో నటించారు. 2019లో విడుదలైన సమంత ఓ బేబీ చిత్రంలో వ్యాఖ్యాతగా కనిపించిన సుమ కనకాల.. బుల్లితెరపై తనదైన వాక్ చాతుర్యంతో ప్రేక్షకులను కట్టిపడుస్తున్నారు
అంతేకాకుండా ఎన్నో చిత్రాల ముందస్తు విడుదల వేడుకల్లో సందడి చేసి ఆ సినిమాలను ప్రేక్షకులకు చేరువ చేయడం సుమకు సినిమాతో పెట్టిన విద్య. ఈ క్రమంలో సుమ నుంచి ఎలాంటి ప్రకటన రాబోతుందోనని ఆమె అభిమానులు ఆత్రుతగా ఎదురుచూస్తున్నారు.
ఇవీ చదవండి:
