Gmail account Security: ఈ ఆధునిక కాలంలో మొబైల్ ఫోన్, కంప్యూటర్, ఇంటర్నెట్ కనెక్షన్ ఉంటే ప్రపంచం మన అరచేతిలో ఉంటుంది. దానికి తోడు వివిధ కంపెనీలు రకరకాల అప్లికేషన్లతో ఇంటర్నెట్ వాడకాన్ని సులభం చేశాయి. అలాంటి వాటిలో మనం ఎక్కువగా ఉపయోగించే అప్లికేషన్ 'గూగుల్ మెయిల్'. అయితే మీరు జీమెయిల్ వాడుతున్నప్పటికీ, దీని నుంచి పూర్తి ప్రయోజనాలు ఎలా పొందాలో తేలుసుకోవాల్సిన అవసరం ఉంది. అలాగే జీమెయిల్ ఖాతాను సురక్షితంగా ఉంచేందుకు కొన్ని చిట్కాలు పాటించాలి.
మీ జీమెయిల్లో ఎవరైనా లాగిన్ అయ్యారేమో తెలుసుకోవడం ఇలా..
⦁ మీ గూగుల్ ఖాతాలోకి వెళ్లండి
⦁ ఎడమ వైపున ఉన్న నావిగేషన్ ప్యానెల్ నుంచి "సెక్యూరిటీ" ఆప్షన్ పై క్లిక్ చేయండి
⦁ తర్వాత "యువర్ డివైజైస్" ప్యానెల్ నుంచి "మేనేజ్ ఆల్ డివైజెస్" ఆప్షన్ ఎంచుకోండి
ప్రస్తుతం మీరు ఏ డివైజ్ నుంచి జీమెయిల్ ఖాతాలోకి లాగిన్ అయ్యారో ఇక్కడ కనిపిస్తుంది. గత కొంత కాలం నుంచి లాగిన్ అయిన వివరాలు కూడా కనిపిస్తాయి. ఇంకా వివరాలు కావాలనుకుంటే ఆ డివైజ్ మీద క్లిక్ చేయాలి. లాగిన్ వివరాలతో పాటు ఎప్పుడెప్పుడు ఖాతాలోంచి లాగౌట్ అయ్యామో కూడా తెలుసుకోవచ్చు. మన ఖాతా గురించి పూర్తి వివరాలు తెసుకునేందుకు గూగుల్ మనకు సహకరిస్తుంది. ఒకవేళ లాగిన్ అయింది మీరు కాకుంటే ఇక్కడ నుంచి సైన్ ఔట్ కావచ్చు.
అవసరం లేదంటే 'అండూ' చేయెచ్చు: కొన్నిసార్లు మనం అనుకోకుండా మెయిల్ సెండ్ చేస్తాం. ఆ పొరపాటును సరిదిద్దుకునేందుకు జీమెయిల్లో అండూ ఆప్షన్ ఉంటుంది. అయితే ఇందుకోసం మనం డిలే సమయాన్ని సెట్ చేయాల్సి ఉంటుంది. ఆ నిర్దిష్ట సమయంలోగా మనం అండూ క్లిక్ చేస్తే ఆ మెయిల్ను అవతలి వారు చూడలేరు.
⦁ జీమెయిల్ వెబ్సైట్ ఓపెన్ చేసి, ఎడమవైపున ఉన్న 'గేర్' ఐకాన్ పై క్లిక్ చేయండి.
⦁ అందులో 'సెట్టింగ్స్'ను సెలెక్ట్ చేసుకోండి.
⦁ తర్వాత జనరల్ ట్యాబ్లో 'అండూ సెండ్' ఆప్షన్ సెలెక్ట్ చేసుకోండి.
⦁ అనంతరం అక్కడ డ్రాప్ డౌన్ మెనూలో 5 సెకన్లు, 10 సెకన్లు, 20 సెకన్లు, 30 సెకన్లు అని కనిపిస్తుంది. అక్కడ టైమ్ సెట్ చేసుకోండి.
⦁ తర్వాత 'సేవ్ ఛేంజెస్' అనే బటన్పై క్లిక్ చేయండి.
ఇవీ చూడండి: వాట్సాప్లో తెలియకుండా మెసేజ్లు డిలీట్ చేస్తున్నారా, ఇది మీ కోసమే
