Mexico Prison Attack : మెక్సికోలో కాల్పులు కలకలం రేపాయి. సియుడాడ్ జుయారెజ్లోని జైలుపై ముష్కరులు దాడికి పాల్పడ్డారు. ఈ ఘటనలో 14 మంది మరణించారు. మరో 13 మంది గాయపడ్డారు. మృతుల్లో పది మంది గార్డులు, నలుగురు ఖైదీలు ఉన్నట్లు అధికారులు తెలిపారు. మరో 24 మంది ఖైదీలు జైలు నుంచి తప్పించుకున్నారని అధికారులు వెల్లడించారు. ముష్కరులు వాహనంపై ఆదివారం ఉదయం 7 గంటలకు జైలుకు వచ్చి కాల్పులు జరిపారని చెప్పారు.
మరోవైపు.. ఈ దాడికి సమయం ముందే పోలీసులు.. ఎస్యూవీ వాహనంలో ప్రయాణిస్తున్న ఇద్దరు ముష్కరులను హతమార్చారు.
కాగా, గత ఆగస్టులో ఇదే జైలులో అల్లర్లు చెలరేగాయి. అవి జుయారెజ్ వీధుల్లోకి వ్యాపించాయి. ఈ హింసలో 11 మంది మరణించారు. ఆ సమయంలో జైలులో ఉన్న ఇద్దరు ఖైదీలు సైతం హత్యకు గురయ్యారు.
