US School Shootings: అమెరికాలో మరోసారి కాల్పుల ఘటన వెలుగుచూసింది. ఐవా రాష్ట్రంలోని డెమోయిన్ ప్రాంతంలో ఉన్న ఈస్ట్ హైస్కూల్లో ఈ దుర్ఘటన జరిగింది. ఈ ఘటనలో ఒకరు ప్రాణాలు కోల్పోగా.. ఇద్దరు తీవ్రంగా గాయపడ్డారు.
సోమవారం (స్థానిక కాలమానం ప్రకారం).. స్కూల్ నుంచి పలువురు విద్యార్థులు బయటకు వస్తున్నారు. అదే సమయంలో అటుగా వాహనంలో వెళ్తున్న దుండగుడు వారిపై కాల్పులకు పాల్పడ్డాడు. ఈ క్రమంలో ఆ ప్రాంతానికి వచ్చిన ఓ 15 ఏళ్ల బాలుడు మృతిచెందగా.. ఈస్ట్ హైస్కూల్కు చెందిన ఇద్దరు విద్యార్థినులు గాయపడ్డారు. ప్రస్తుతం ఆస్పత్రిలో చికిత్సపొందుతున్న వీరి పరిస్థితి విషమంగా ఉందని అధికారులు వెల్లడించారు.
ఈ ఘటనకు గల కారణం తెలియాల్సి ఉందని.. ఇందుకు సంబంధించి దర్యాప్తు చేపడుతున్నామని పోలీసులు చెప్పారు. పరారీలో ఉన్న నిందితుడి కోసం గాలిస్తున్నట్లు పేర్కొన్నారు.
ఇదీ చూడండి : ఉక్రెయిన్‌ దాడిలో రష్యా మేజర్‌ జనరల్‌ మృతి
