మెగా పవర్ స్టార్ రామ్చరణ్ కథానాయకుడిగా, ఉప్పెన ఫేమ్ బుచ్చిబాబు దర్శకత్వంలో ఆర్సీ 16 అనే వర్కింగ్ టైటిల్తో ఓ సినిమా తెరకెక్కుతోంది. ఈ సినిమా గురించి ఓ అప్డేట్ వచ్చింది. అయితే ఈ ప్రతిష్టాత్మక ప్రాజెక్ట్కు.. ఆస్కార్ అవార్డ్ గ్రహీత ఏఆర్ రెహమాన్ సంగీతం అందించనున్నారట. ఇటీవ‌ల జ‌రిగిన ఓ త‌మిళ సినిమా ఈవెంట్‌లో.. హీరో రామ్చరణ్ మూవీకి తానే మ్యూజిక్ కంపోజ్ చేయనున్నానని స్వ‌యంగా రెహమాన్ వెల్ల‌డించారని వార్తలు వస్తున్నాయి. దీంతో బుచ్చిబాబు.. రామ్చరణ్తో చేయబోయే సినిమాకే రెహమాన్ సంగీతం అందించబోతున్నారని.. నెట్టింట్లో చర్చ మొదలైంది. ఈ విషయానికి సంబంధించి చిత్రబృందం స్పందించలేదు. సినిమా యూనిట్ నంచి అధికారిక ప్రకటన వస్తే.. ఈ విషయంపై స్పష్టత వస్తుంది.
రూరల్ బ్యాక్డ్రాప్లో వస్తున్న ఈ సినిమా.. స్పోర్ట్స్ డ్రామా క‌థాంశంతో రూపొందుతోంది. ఈ చిత్రాన్ని వృద్ధి సినిమాస్‌ పతాకంపై తెరకెక్కిస్తున్నారు. వెంకట సతీష్‌ కిలారు, సుకుమార్‌ రైటింగ్స్‌ కలసి సంయుక్తంగా నిర్మిస్తున్నాయి. మైత్రీ మూవీ మేకర్స్‌ ఈ సినిమాను సమర్పిస్తోంది. షూటింగ్ను వీలైనంత త్వరగా పూర్తి చేసి ప్రేక్షకుల ముందుకు తెచ్చేందుకు సన్నాహాలు జరుగుతున్నాయి. ప్రస్తుతం ఆర్సీ 16కు సంబంధించిన ప్రీ-ప్రొడ‌క్ష‌న్ ప‌నులు శ‌ర‌వేగంగా జరుగుతున్నాయి. కాగా, ఏఆర్ రెహమాన్ మెగా ఫ్యామిలీ హీరోతో కలిసి పని చేయడం ఇదేమి తొలిసారి కాదు. పవర్స్టార్ పవన్ కల్యాణ్ నటించిన 'కొమరం పులి' సినిమాకు రెహమాన్ సంగీతం అందించారు.
చెర్రీతోనైనా ఫ్లాప్ టాక్కు చెక్ పడుతుందా..!
ఇప్పటివరకు తెలుగులో కేవలం మూడు సినిమాలకు మాత్రమే మ్యూజిక్ అందించారు ఏఆర్ రెహమాన్. అవి విక్టరీ వెంకటేష్ నటించిన సూపర్ పోలీస్, సూపర్స్టార్ మహేశ్బాబు నటించిన 'నాని'తో పాటు పవర్స్టార్ పవన్ కల్యాణ్ నటించిన కొమురం పులి సినిమాలకు సంగీతం సమకూర్చారు రెహమాన్. ఈ మూడు సినిమాలు మ్యూజిక్ పరంగా ఆడియన్స్ను మెప్పించినా క‌మ‌ర్షియ‌ల్‌గా మాత్రం బాక్సాఫీసు వద్ద బోల్తా పడ్డాయి. కాగా, రామ్చరణ్ మూవీతోనైనా రెహమాన్ ఫ్లాప్ సెంటిమెంట్కు చరణ్ చెక్ పెడ్తారా లేదా అన్నది వేచి చూడాలి.
'ఆర్ఆర్ఆర్' సినిమా గ్రాండ్ సక్సెస్తో ఫుల్ జోష్లో ఉన్నారు హీరో రామ్చరణ్. భారీ బడ్జెట్ సినిమాల దర్శకుడిగా పేరొందిన శంకర్తో కలసి ప్రస్తుతం 'గేమ్ ఛేంజర్' మూవీ షూటింగ్లో బిజీగా ఉన్నారు చెర్రీ. ఈ సినిమాను ఈ ఏడాది డిసెంబర్లో లేదా వచ్చే ఏడాది సంక్రాంతికి విడుదల చేయనున్నారు. ఈ సినిమా సెట్స్పై ఉండగానే డైరెక్టర్ బుచ్చిబాబుతో ఆర్సీ 16కు రామ్ చరణ్ గ్రీన్ సిగ్నల్ ఇచ్చారు. దర్శకుడు శంకర్తో సినిమా పూర్తి కాగానే ఈ సెప్టెంబ‌ర్లోనే బుచ్చిబాబు సినిమాను సెట్స్‌పైకి తీసుకెళ్లేందుకు చరణ్ రెడీ అవుతున్నట్లు జోరుగా ప్రచారం జరుగుతోంది. ఇకపోతే, ఈ మూవీలో ఇప్పటివరకు హీరోయిన్ ఇంకా ఫైనల్ కాలేదు. ప్రస్తుతం ఇదే పనిలో చిత్రయూనిట్ ఉన్నట్లు తెలుస్తోంది.
