Pedda kapu movie teaser : టాలీవుడ్ ఫ్యామిలీ ఆడియెన్స్ డైరెక్టర్ శ్రీకాంత్ అడ్డాల.. తన రూటు మార్చి యాక్షన్ సినిమాలను చేసే పనిలో పడ్డారు. 'నారప్ప' లాంటి ఊర మాస్ యాక్షన్ ఎంటర్టైనర్ను రూపొందించి సూపర్ హిట్ అందుకున్న ఆయన.. ఇప్పుడు 'పెద్ద కాపు -1' అనే చిత్రాన్ని తెరకెక్కిస్తున్నారు. టైటిల్తోనే చిత్రంపై మంచి అంచనాలు ఏర్పడ్డాయి. ఓ సామాన్యుడి సంతకం అనే క్యాప్షన్.. సినిమాకు మరింత బలాన్ని ఇచ్చింది. తాజాగా ఈ చిత్రం టీజర్ విడుదలై ఆకట్టుకుంటోంది.
'తెలుగు జనతకు వందనం. వెనకబడిన తరగతిని ఇంకా ఇంకా అట్టడగు తొక్కివేయబడుతుంటే శిక్షించలేక, రాజకీయం భ్రష్టమై వ్యాపారాత్మకై, దగాకోరు విధానమై, ఆంధ్రా ఆత్మాభిమానం చంపుతుంటే మీ కోసం వచ్చా' అని సీనియర్ ఎన్టీఆర్ డైలాగ్తో ట్రైలర్ ప్రారంభమైంది. 'ఇది కేవలం జెండా కాదు మన ఆత్మగౌరవం', మా నాన్న ఓ మాట చెప్పారు. బాగా బతకడం అంటే.. నిన్నటి కంటే ఈయాల బాగుండాలి, ఈయాలి కంటే రేపు బాగుండాలి' అనే సంభాషణలు ఆలోచింపజేసేలా ఉన్నాయి. ఇంకా ఈ ప్రచార చిత్రంలో బలమైన యాక్షన్ సన్నివేశాలు, డైలాగ్లు కూడా ఉన్నాయి. అలాగే ఓ చోట అసభ్యకరమైన పదజాలం కూడా వాడారు. మొత్తంగా ఈ ప్రచార చిత్రం చూస్తుంటే.. గ్రామంలోని రెండు వర్గాల మధ్య కులాల కోసం, ఆధిపత్యం కోసం జరిగే కొట్లాటలో ఎదురుతిరిగిన ఓ యువకుడి కథ అని తెలుస్తోంది. ఇక ఈ చిత్రాన్ని 'అఖండ'తో బ్లాక్ బస్టర్ హిట్ అందుకున్న నిర్మాత మిర్యాల రవీందర్ రెడ్డి నిర్మిస్తున్నారు. ద్వారక క్రియేషన్స్ బ్యానర్ పై ఇది రూపొందుతోంది.
- " class="align-text-top noRightClick twitterSection" data="">
Srikanth addala new movie : ఈ చిత్రంతో రవీందర్ రెడ్డి మేనల్లుడు విరాట్ కర్ణ కథానాయకుడిగా ఎంట్రీ ఇవ్వనున్నారు. ఇప్పటికే రిలీజైన పోస్టర్లు ఆడియెన్స్ను బాగానే ఆకట్టుకున్నాయి. సంగీత దర్శకుడు మిక్కీ జే మేయర్ స్వరాలు సమకూరుస్తున్నారు. చోటా కే నాయుడు సినిమాటోగ్రాఫర్‌గా పనిచేస్తున్నారు. మార్తాండ్ కే వెంకటేశ్ ఎడిటింగ్ బాధ్యతలు చూసుకుంటున్నారు. ప్రస్తుతం ఈ సినిమా షూటింగ్ దాదాపుగా తుది దశకు చేరుకుంది.
ఇదీ చూడండి :
ఇంట్రెస్టింగ్గా 'అన్నపూర్ణ ఫొటో స్టూడియో' ట్రైలర్
తమన్నా టు త్రిష.. ఇదా మ్యాటర్.. ఈ ముద్దుగుమ్మలకు ఛాన్స్లు అందుకే వస్తున్నాయా?
