Rajnikanth kamal haasan : రజనీకాంత్ - కమల్‌హాసన్‌.. దాదాపు ఐదు దశాబ్దాలుగా పాన్ ఇండియా స్థాయిలో తిరుగులేని స్టార్స్గా క్రేజ్ సంపాదించుకున్నారు. వీరిద్దరి సినిమాలు రిలీజ్ అవుతున్నాయంటే.. ఇప్పుటికీ అభిమానుల్లో విపరీతమైన భారీ ఆసక్తి ఉంటుంది. రజనీ తన స్టైల్‌తో అభిమానులను అలరిస్తే.. కమల్ భిన్నమైన పాత్రలతో ఆకట్టుకుంటున్నారు.
అయితే చాలా కాలం పాటు ఈ ఇద్దరు బడా స్టార్ తమ స్టార్ స్టేటస్కు తగ్గట్టు సరైనా హిట్ను అందుకోలేకపోయారు. రీసెంట్గానే కమల్ హాసన్ 'విక్రమ్' చిత్రంతో ఊహించని రేంజ్లో పాన్ ఇండియా బ్లాక్ బస్టర్ హిట్తో మళ్లీ సక్సెస్ ట్రాక్ ఎక్కారు. అప్పుడెప్పుడో 2013లో 'విశ్వరూపం' చిత్రంతో సక్సెస్ను అందుకున్న ఆయన.. ఆ తర్వాత ఉత్తమ విలన్, చీకటి రాజ్యం సహా పలు చిత్రాలతో అభిమానులను అలరించారు. వాటిలో 'పాపనాశం' సినిమా మాత్రమే సక్సెస్ను అందుకుంది. అది కూడా తమిళనాడు వరకే పరిమితమైంది.
Kamalhassan vikram movie : అయితే ఆ తర్వాత కమల్.. లోకేశ్ కనగరాజ్ డైరెక్షన్లో 'విక్రమ్' చిత్రంతో పాన్ ఇండియా బాక్సాఫీస్ ముందు ఊహించని సక్సెస్ను అందుకున్నారు. దాదాపు రూ.500కోట్ల వరకు వసూలు చేశారు. ఈ విజయంతో ఒకేసారి నాలుగు బడా సినిమాలను లైన్లై పెట్టేశారు. ఇండియన్ 2, ప్రాజెక్ కె కల్కి, యాక్షన్ డైరెక్టర్ హెచ్ వినోద్, పొన్నియిన్ సెల్వన్ మణిరత్నంతో మరో సినిమాను చేస్తున్నారు. కానీ సూపర్ స్టార్ రజనీకాంత్ మాత్రం ఇంకా భారీ రేంజ్ హిట్ కోసం ఎదురుచూస్తునే ఉన్నారు. చంద్రముఖి, శివాజి, రోబో(2010) తర్వాత ఆయన తన స్టార్ డమ్కు తగ్గట్టు హిట్ను అందుకోలేదు. కబాలి, కొచ్చాడియన్, కాలా, లింగ, రోబో 2.0, పేటా, దర్బార్, అన్నాత్తే అన్ని కమర్షియల్గానే ఆకట్టుకున్నాయి. కథ పరంగా అభిమానుల్ని విశేషంగా అలరించలేదు.
Rajnikanth Jailer movie : అయితే రజనీ ప్రస్తుతం.. నెల్సన్ దిలీప్ కుమార్ డైరెక్షన్లో 'జైలర్' సినిమా చేస్తున్నారు. ఇప్పటికే విడుదలైన యాక్షన్ ట్రైలర్ అభిమానుల్ని అలరించింది. ఈ చిత్రంతోనైనా రజనీ గట్టి కమ్ బ్యాక్ ఇవ్వాలని ఫ్యాన్స్ ఆశిస్తున్నారు. కమల్ హాసన్కు 'విక్రమ్' ఎలా అయితే గట్టి కమ్ బ్యాక్ ఇచ్చిందో..రజనీకి కూడా జైలర్ అలానే టర్నింప్ పాయింజ్ అవ్వాలని ఆశిస్తున్నారు. చూడాలి మరి ఆగస్ట్ 10న రాబోయే ఈ మూవీ రజనీకి ఏమేర విజయాన్ని అందిస్తుందో, భారీ హిట్ను ఇస్తుందో లేదో..
సినిమాల్లో నయా ట్రెండ్.. హీరోస్ విత్ 'గన్స్'.. విలన్స్పై దండయాత్రే!
