అర్జున్ రెడ్డి సినిమాతో ఒక్కసారిగా టాలీవుడ్ ఇండస్ట్రీలో దర్శకుడు సందీప్ రెడ్డి వంగా పేరు మార్మోగిపోయింది. ఆ సినిమా బ్లాక్ బస్టర్ కావడంతో స్టార్ హీరోలు సైతం ఆయన వెంటపడ్డారు. కానీ ఎక్కడా తొందరపడకుండా.. కెరీర్ విషయంలో సందీప్ రెడ్డి జాగ్రత్తగా అడుగులు వేస్తున్నారు. వరుసగా స్టార్ హీరోలతో సినిమాలు చేసుకుంటున్నారు. అర్జున్ రెడ్డి రీమేక్తో బాలీవుడ్లోనూ అడుగుపెట్టారు. అక్కడ కూడా సూపర్ హిట్ కొట్టారు.
ప్రస్తుతం సందీప్ రెడ్డి చేతిలో ఇద్దరు పాన్ ఇండియా హీరోలు ఉన్నారు. యంగ్ రెబల్ స్టార్ ప్రభాస్త్ స్ఫిరిట్ మూవీ సెట్స్పైకి వెళ్లిపోయింది. ఈ సినిమా చేస్తూనే.. ఐకాన్ స్టార్ అల్లు అర్జున్తో మరో ప్రాజెక్ట్ను సందీప్ రెడ్డి ప్రకటించారు. ఒక్కొక్కటిగా సినిమాలు కంప్లీట్ చేస్తూ రావాలని ప్లాన్ చేస్తున్నారు. ఈ క్రమంలో ఆయన కన్ను మెగాస్టార్ చిరంజీవి పైన పడింది. ఎలాగైనా మెగా హీరోతో సినిమా చేయాలని ఫిక్స్ అయ్యారు సందీప్.
చిరంజీవితో సినిమా సందీప్ రెడ్డి డ్రీమ్ అంట. అయితే అది ఇప్పుడు పెద్ద విషయం కాదు. సందీప్ కథ చెపుతానంటే.. చిరంజీవి కాదనకపోవచ్చు. కానీ సందీప్ రెడ్డి వంగా మాత్రం పక్కా ప్లాన్తో ఉన్నారట. మెగాస్టార్ మెచ్చేలా కథను తయారు చేస్తున్నారట. ఎలాగైనా సింగిల్ సిట్టింగ్లో సినిమాను ఓకే చేసేయాలని రెడీ చేస్తున్నారట. ప్రస్తుతం బాలీవుడ్లో స్టార్ హీరో రణ్బీర్ కపూర్తో యానిమల్ సినిమాను తెరకెక్కిస్తున్నారు సందీప్ రెడ్డి వంగా. ఆ సినిమా రిలీజ్ తర్వాత ప్రభాస్ మూవీని కంప్లీట్ చేయబోతున్నారు. అల్లు అర్జున్ కూడా పుష్ప-2 షూటింగ్ పూర్తి అయ్యాక సందీప్ ప్రాజెక్ట్లో జాయిన్ కానున్నారు.
మరోవైపు, చిరంజీవి కూడా వరుస సినిమాలో బిజీగా ఉన్నారు. సంక్రాంతికి విడుదలైన వాల్తేరు వీరయ్య చిత్రంలో సూపర్ హిట్ సాధించారు. త్వరలోనే ఆయన నటిస్తున్న భోళాశంకర్ రిలీజ్ కానుంది. తమిళ హీరో అజిత్ నటించిన 'వేదాళం' చిత్రానికి రీమేక్గా భోళా శంకర్ సినిమా తెరకెక్కుతోంది. మెహర్ రమేశ్ దర్శకత్వం వహిస్తున్న ఈ సినిమాకు రామబ్రహ్మం సుంకర, కె.ఎస్. రామారావుతో పాటు అనిల్ సుంకర ఏకే ఎంటర్‌టైన్‌మెంట్స్ సంస్థ సంయుక్తంగా నిర్మిస్తున్నారు. ఈ మూవీలో ఆయనకు చెల్లెలుగా కీర్తి సురేశ్ నటిస్తోంది. మరి సందీప్ రెడ్డి వంగా కథకు చిరు గ్రీన్ సిగ్నల్ ఇస్తారో లేదో చూడాలి.
