సినీఇండస్ట్రీలో అడుగుపెట్టిన తొలినాళ్లలోనే తన నవ్వుతోనే అందరినీ ఆకట్టుకున్నారు నటుడు మాధవన్. కథానాయకుడిగానే కాకుండా దర్శకుడు, నిర్మాత, రచయిత, గాయకుడిగానూ ప్రేక్షకాదరణ పొందారు. ఎక్కువగా ప్రేమకథా చిత్రాల్లో నటించి కుర్రకారు మదిలో చెరగని ముద్ర వేసుకున్నారు. అమ్మాయిల కలల రాకుమారుడిగా నిలిచి రొమాంటిక్ హీరోగా పేరు గాంచారు మాధవన్. 'సఖి', 'చెలి', '13 బీ' వంటి సినిమాలతో టాలీవుడ్లో తనకంటూ ప్రత్యేక గుర్తింపు తెచ్చుకున్న బహుభాషా నటుడు. 'రెహనా హై తేరే దిల్ మే', 'రంగ్ దే బసంతి', '3 ఇడియట్స్' వంటి సినిమాలతో ఎంతో మంది అభిమానుల్ని సొంతం చేసుకున్నారు.
అయితే రీసెంట్గా మాధవన్ గురించి ఓ ఇంట్రెస్ట్ వీడియో ఒకటి బయటకు వచ్చింది. అదేంటంటే.. మాధవన్ నటించిన 3 ఇడియట్స్ సినిమా బాలీవుడ్లో ఎంతటి విజయం సాధించిందో తెలిసిందే. ఈ చిత్రంలో మాధవన్ ఫర్హాన్ ఖురేషి పాత్రలో నటించారు. అయితే ఈ మూవీలో నటించేముందు ఆయనకు కూడా ఆడిషన్స్ నిర్వహించారట. ఇప్పటి వరకూ ఈ విషయం చాలా మందికి తెలియదు. ఇప్పుడా వీడియో ప్రస్తుతం వైరల్ అవుతోంది. ఈ ఆడిషన్స్ వీడియో క్లిప్ చూసిన అభిమానులు తెగ లైక్స్, కామెంట్స్ చేస్తున్నారు. కొంత మంది అభిమానులు మాత్రం మాధవన్కు కూడా ఆడిషన్స్ ఏంటి అని అంటున్నారు. ఈ వీడియోలో మాధవన్ సినిమాలో తాను ఫోటోగ్రఫీని కెరీర్గా ఎంచుకోవడానికి తన తండ్రిని ఒప్పించడానికి చేప్పే డైలాగ్ సన్నివేశంలా ఉంది.
కాగా, 3 ఇడియట్స్ సినిమా 2009లో రాజ్ కుమార్ హిరానీ దర్శకత్వంలో విడుదలై భారీ హిట్ను అందుకుంది. దాదాపు రూ.400 కోట్ల కలెక్షన్స్ను సాధించింది. ఈ సినిమాను దర్శకుడు శంకర్ రిమేక్ చేశారు. తెలుగులో ఈ చిత్రాన్ని స్నేహితుడు పేరుతో విడుదల చేశారు. ఇది కూడా సక్సెస్ అయింది. ఇక మాధవన్ చివరిగా.. రాకెట్రీ ది నంబి ఎఫెక్ట్, ధోఖా రౌండ్ ది కార్నర్ సినిమాల్లో నటించారు. ప్రస్తుతం ది రైల్వే మెన్ వెబ్ సిరీస్లో నటిస్తున్నారు.
- " class="align-text-top noRightClick twitterSection" data="
">
ఇదీ చూడండి: వేసవి అంతా ఈ కుర్ర హీరోలదే జోరు... బాక్సాఫీస్ మోత మోగిస్తారా?
