'యశోద' సినిమాతో అటు యాక్టింగ్తోనే కాదు ఇటు యాక్షన్తోనూ ప్రేక్షకులను ఔరా అనిపించిన హీరోయిన్ సమంత. కెరీర్ విభిన్న పాత్రలు పోషిస్తూ కెరీర్లో దూసుకెళ్తున్న ఈ ముద్దుగుమ్మ.. 'ఏం మాయ చేసావే' సినిమాతో అరంగ్రేటం చేసిన సంగతి తెలిసిందే. తొలి చిత్రంతోనే ప్రేక్షకుల్ని మాయ చేసింది. ఈ చిత్రంలో నాగచైతన్య-సామ్ కెమిస్ట్రీ ఆడియెన్స్ను విపరీతంగా ఆకట్టుకుంది. ఇక ఈ మూవీ తర్వాత నిజంగానే ప్రేమలో పడ్డ చైతూ-సామ్ పెళ్లి కూడా చేసుకున్నారు. దీంతో 'ఏం మాయ చేసావే' చిత్రానికి సీక్వెల్ వస్తే బాగుండు అని ప్రేక్షకులు ఆశించారు.
ఆశించినట్టే దాన్ని నిజం చేస్తూ కొద్ది రోజుల క్రితం దర్శకుడు గౌతమ్ మేనన్ కూడా స్వీక్వెల్ను ప్రకటించారు. మూవీకి సంబంధించిన స్క్రిప్ట్ వర్క్ జరుగుతోందని చెప్పారు. దీంతో అభిమానుల్లో ఆసక్తితో పాటు కొత్త అనుమానాలు కూడా మొదలయ్యాయి. ఎందుకంటే చైతూ-సామ్ కొంత కాలం క్రితం విడిపోయిన సంగతి తెలిసిందే. మరి వీరిద్దరు కలిసి ఈ సీక్వెల్ నటిస్తారా లేదా? అన్న ఆసక్తి అందరిలో మొదలైంది. ఈ క్రమంలోనే సినిమాకు సంబంధించి ఓ కొత్త ప్రచారం తెరపైకి వచ్చింది. ప్రస్తుతం అది ప్రేక్షకుల్లో ఆసక్తిని పెంచుతోంది. ఈ సినిమా ఇప్పుడు సెట్స్పైకి అడుగు పెట్టనున్నట్లు టాక్ నడుస్తోంది. అంతే కాకుండా ఇందులో చైతూ-సామ్ విడాకులు తీసుకోబోతున్నట్లు చూపించనున్నారట. డివర్స్ అయ్యాక చైతూ.. మళ్లీ ప్రేమలో పడతాడని.. ఆ అమ్మాయి పాత్రలో రష్మిక నటించనుందని వార్తలు వస్తున్నాయి. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే. కాగా, నాగచైతన్య-సమంత విషయానికొస్తే.. వీరిద్దరూ ఏం మాయ చేసావేతో పాటు ఆటోనగర్ సూర్య , మనం, మజిలీలోనూ నటించారు. ఇవి కూడా మంచి విజయాలే సాధించాయి.
ఇదీ చదవండి:
