Anchor Suma Son Roshan Movie Teaser : ప్రముఖ యాంకర్ సుమ కనకాల, సీనియర్ నటుడు రాజీవ్ కనకాల దంపతుల కుమారుడు రోషన్ కనకాల హీరోగా నటించిన తొలి సినిమా 'బబుల్ గమ్' టీజర్ రిలీజైంది. ఈ చిత్రంలో మానస చౌదరీ హీరోయిన్‍గా చేస్తోంది. రొమాంటిక్ లవ్ ఎంటర్‌టైనర్‌గా దర్శకుడు రవికాంత్ పారెపు ఈ సినిమాను తీర్చిదిద్దారు. ఆ టీజర్ ఆద్యంతం లిప్‍లాక్‍లు, కొన్ని బోల్డ్ డైలాగ్‍లతో ఆకట్టుకుంటోంది.
ప్రేమ అనేది బబుల్‍గమ్ లాంటిది, ముందు తియ్యగా ఉన్నా ఆ తర్వాత అంటుకుంటది. అంత ఈజీ కాదు. పండబెట్టేస్తది అంటూ వాయిస్ ఓవర్‌తో ఈ టీజర్ మొదలైంది. పబ్‍లో డీజే ఆపరేటర్‌గా పని చేస్తూ కనిపించాడు హీరో రోషన్ కనకాల. ఆ తర్వాత హీరోయిన్‍ను పబ్‍లో చూసి ప్రేమలో రోషన్ ప్రేమలో పడటం, ఇద్దరూ లవల్లో మునిగి తేలడం వంటి సీన్స్ను చూపించారు. ఆ తర్వాత రోషన్ గురించి నిజం తెలిసి హీరోయిన్ గొడవ పడటం, 'నచ్చినట్టు మార్చుకుంటా, కావాల్సింది లాక్కొని తెచ్చుకుంటా' అంటూ హీరో ఎమోషనల్ అవ్వడం వంటివి చూపించారు. ఫైనల్గా సముద్రం ఒడ్డున హీరోహీరోయిన్ లిక్‍లాక్‍తో టీజర్ను ముగించారు. మొత్తంగా బోల్డ్ కంటెంట్‍తో లవ్,రొమాన్స్‌, యాక్షన్‌.. ఇలా అన్ని అంశాలతో యూత్‌ఫల్‌ ఎంటర్‌టైనర్‌గా ఈ చిత్రాన్ని తెరకెక్కించినట్లు టీజర్ చూస్తే అర్థమవుతోంది. ఇందులో కొన్ని బూతు డైలాగ్లు కూడా ఉన్నాయి.
ఇకపోతే ఈ చిత్రాన్ని 'క్షణం', 'కృష్ణ అండ్ లీల' చిత్రాలతో మంచి గుర్తింపు తెచ్చుకున్న డైరెక్టర్ రవికాంత్ పారెపు దర్శకత్వం వహిస్తున్నారు. శ్రీచరణ్ పాకాల సంగీతం అందిస్తున్నారు. సురేష్ రగుతు - సినిమాటోగ్రాఫర్‌గా వ్యవహరిస్తున్నారు. మహేశ్వరి మూవీస్, పీపుల్ మీడియా ఫ్యాక్టరీ బ్యానర్లు ఈ సినిమాను సంయుక్తంగా నిర్మిస్తున్నాయి. పి.విమల నిర్మాతగా వ్యవహరిస్తున్నారు. ఇంకా ఈ సినిమాలో వైవా హర్ష, అనన్య ఆకుల, కిరణ్, అను హసన్, హర్షవర్ధన్, బిందు చంద్రమౌళి, జైరామ్ ఈశ్వర్ ఇతర కీలక పాత్రల్లో నటిస్తున్నారు.
- " class="align-text-top noRightClick twitterSection" data="">
Samantha Latest Photos : శారీలో సామ్.. ట్రెండీ అవుట్ఫిట్లో సదా, మిర్నా మెరుపులు
Mrunal Thakur Latest Interview : 'ఆ ప్రశ్న నన్ను ఎప్పుడూ అడుగుతుంటారు'
