ఐకాన్ స్టార్ అల్లు అర్జున్ అటు సినిమాలతో పాటు ఇటు యాడ్ షూట్లతో బిజీ బిజీగా ఉంటారు. ఆయన రీసెంట్ సినిమా పుష్ప.. బాక్సాఫీస్ను ఓ రేంజ్లో షేక్ చేసింది. అల్లు అర్జున్ రేంజ్ పాన్ ఇండియా లెవెల్ నుంచి పాన్ వరల్డ్ లెవెల్కు చేరుకుంది. దీంతో ఈయనకు యువతలో మరింత క్రేజ్ పెరిగింది. ఆయన ఏం చేసినా సెన్సేషన్ అంటూ అభిమానులు ఆయన్ను ఆకాశానికి ఎత్తుతున్నారు.
ఈ క్రమంలో ఈ పాన్ ఇండియా స్టార్ ఇప్పుడు బిజినెస్ రంగంలోకి అడుగుపెట్టారు. హైదరాబాద్లోని అమీర్ పేట్లో తన పేరుతో ఓ భారీ మల్టీప్లెక్స్ను నిర్మించే పనుల్లో నిమగ్నమైపోయారు. ఏషియన్ సినిమాస్తో కలిసి ఈ మల్టీప్లెక్స్ను ఏర్పాటు చేస్తున్నారు అల్లు అర్జున్. అత్యాధునిక టెక్నాలజీతో పాటు అన్నీ సౌకర్యాలు ఉండే ఈ ఏషియన్ మల్టీప్లెక్స్లో త్వరలో ప్రేక్షకులను అలరించనుంది. ఇప్పటికే నిర్మాణ పనులు చివరి దశకు చేరుకునందున్న దీన్ని త్వరలోనే ప్రారంభించేందుకు సన్నాహాలు చేస్తోంది అల్లు టీం.
ఈ థియేటర్ ద్వారా ఫుల్ ఎల్‌ఈడీ ప్రొజెక్షన్‌ స్క్రీన్‌ సౌకర్యాన్ని అందించనున్నారట. దీంతో సౌత్లోనే ఫుల్ ఎల్‌ఈడీ ప్రొజెక్షన్‌ స్క్రీన్‌ సౌకర్యమున్న రెండో థియేటర్‌గా ఈ ఏఏఏ (ఏషియన్ అల్లు అర్జున్) మల్టీప్లెక్స్ రికార్డుకెక్కనుంది. అంతే కాకుండా హైదరాబాద్లో ఇలాంటి సౌకర్యాలు ఉన్న మొదటి థియేటర్ ఇదే కావడం మరో విశేషం. దీంతో బన్నీ రేంజ్ ఇంకాస్త పెరగనుంది. ఇప్పటికే తన సినిమాలతో అభిమానుల మసనులు దోచుకున్న ఈ పుష్ప స్టార్ త్వరలో తన థియేటర్తోనూ మంచి ఆదరణ పొందుతారని అభిమానులు ఆశిస్తున్నారు.
ఇక సినిమాల విషయానికి వస్తే.. సుకుమార్ దర్శకత్వంలో అల్లు అర్జున్, రష్మిక మందన్న నటించిన పుష్ప చిత్రానికి థియేటర్లలో మంచి రెస్పాన్స్ వచ్చింది. నార్త్లో ప్రేక్షకులు ఈ సినిమాకు బ్రహ్మరథం పట్టారు. సినిమాలోని పాటలు, డ్యాన్స్లు, డైలాగ్స్లను సెలబ్రిటీలు సైతం అనుకరించారు. దీంతో అల్లు అర్జున్కు ప్రపంచ వ్యాప్తంగా భారీ క్రేజ్ ఏర్పడింది. ఇక ఈ సినిమాతో ఐకాన్ స్టార్ కాస్తా పాన్ వరల్డ్ స్టార్ అయిపోయారు. వివిధ దేశాల అభిమానులంతా ఈ స్టార్ హీరో నటనకు ఫిదా అయిపోయి.. 'తగ్గేదే లే' అంటూ పొగడ్తలతో ముంచెత్తారు. ఇక ఈ సినిమా సక్సెస్ టూర్ సంబరాలు కూడా అంబరాన్ని అంటేలా జరిగాయి. కాగా ఇప్పడు ఈ సినిమాకు సీక్వెల్ తీసే పనిలో నిమగ్నమయ్యారు దర్శకుడు సుకుమార్. బన్నీ కూడా సీక్వెల్ విషయంలో ఇంకాస్త జాగ్రత్తలు తీసుకుంటున్నారు. పుష్ప ది రూల్గా తెరకెక్కనున్న ఈ భారీ ప్రాజెక్ట్ షూటింగ్లో బిజీ అయిపోయారు అల్లు అర్జున్.
