ఈ క్యూట్ స్మైల్ చిన్నారి ఒకప్పుడు స్టార్ హీరోయిన్.. ఇప్పుడు నిర్మాత

Published : Nov 19, 2022, 5:15 PM IST

పై ఫొటోలో ఉన్న చిన్నారి తెలుగు చిత్రసీమలో స్టార్ ఎదిగింది. ఆ తర్వాత ఛాన్సులు తగ్గిపోవడంతో నిర్మాతగా కొత్త అవతారం ఎత్తి చిత్రాలను రూపొందిస్తోంది. ఇటీవలే ఈమె నిర్మించిన ఓ సినిమా ఫ్లాప్ అయింది. ఆమెను గుర్తుపట్టగలరా?

సినీ ఇండస్ట్రీలో ఎంతో మంది హీరోయిన్లు స్టార్ స్టాటస్ను అందుకుని ఆ తర్వాత కనుమరుగైపోయారు. అలాంటి వారిలో ఈ హీరోయిన్ కూడా ఒకటి. తన అందం, అభినయంతో ప్రేక్షకుల మనసు దోచిన ఈ బ్యూటీ.. తక్కువ వయసులోనే తెలుగులో కథానాయికగా ఎంట్రీ ఇచ్చి దాదాపు అందరు స్టార్ హీరోలతో నటించింది. హీరోయిన్గానే కాకుండా పలు చిత్రాల్లో ఐటమ్ సాంగ్స్లో కూడా నటించింది. ప్రస్తుతం నిర్మాతగా మారి సినిమాలను నిర్మిస్తోంది. ఇంతకీ ఆమె ఎవరంటే ఛార్మి.

ఛార్మీ చిన్నవయసులోనే ఇండస్ట్రీలోకి అడుగు పెట్టింది. బాలీవుడ్లో జూనియర్ ఆర్టిస్ట్గా 'ముజ్ సే దోస్తీ కరోగి' చిత్రంలో నటించింది. పదిహేనవ ఏటా తమిళంలో 'కాదల్‌ అలివదిల్లయ్‌', మలయళంలో ఆమె చేసిన ' కట్టుచెంబాకమ్‌' రెండు వరుస ఫ్లాపులు అందుకున్నాయి. ఆ తర్వాత తెలుగు లో 'నీతోడు కావాలి' చిత్రంలో ఛాన్స్ దక్కించుకుంది. ఆ చిత్రం కూడా పెద్దగా హిట్ కాలేదు.

అనంతరం క్రియేటీవ్ డైరెక్టర్ కృష్ణ వంశీ దర్శకత్వంలో నితిన్ హీరోగా నటించిన 'శ్రీఆంజేనేయం' చిత్రంతో గ్లామర్ పాత్రలో కనిపించి కుర్రాళ్లకు కిర్రెక్కించింది. ఆ తర్వాత ఈ ముద్దుగుమ్మకు స్టార్ హీరోల సరసన వరుస ఛాన్సులు వచ్చాయి. ఐటమ్ సాంగ్స్లో నటించి కుర్రాళ్లను ఫిదా చేసింది. ఈ క్రమంలోనే కొద్ది కాలం దూరమైన ఆమె సెకండ్ ఇన్నింగ్స్ కూడా ప్రారంభించింది. నిర్మాతగా కొత్త అవతారం ఎత్తింది. ప్రముఖ డైరెక్టర్ పూరీ జగన్నాథ్తో కలిసి సినిమాలు చేస్తోంది. అలా ఈ ఇటీవలే ఆమె సహా నిర్మాతగా వ్యవహరించిన లైగర్ పరాజయాన్ని అందుకుంది. ప్రస్తుతం మళ్లీ కాస్త గ్యాప్ తీసుకుంది.