Puspha 2 OTT Rights: 'పుష్ప: ది రైజ్' చిత్రంతో పాన్‌ ఇండియా స్థాయిలో క్రేజ్‌ను సొంతం చేసుకున్నారు హీరో అల్లు అర్జున్‌. సుకుమార్ దర్శకత్వంలో తెరకెక్కిన ఈ సినిమా బాక్సాఫీస్‌ వద్ద భారీ విజయాన్ని అందుకుంది. తెలుగు, మ‌ల‌యాళం, హిందీతోపాటు మిగిలిన భాష‌ల్లో మంచి టాక్‌తో పాటు క‌లెక్ష‌న్ల‌ను రాబ‌ట్టింది. ఓటీటీ అమెజాన్ ప్రైమ్లోనూ విడుదలైన ఈ మూవీ విశేష ఆదరణను అందుకుంది. అయితే ఈ మూవీలో చాలా ప్రశ్నలకు సమాధానాలు చెప్పకుండానే వదిలేశారు సుకుమార్. దీంతో మలి భాగంలో ఏం చూపించబోతున్నారా? అన్న ఆసక్తి అభిమానుల్లో విపరీతంగా ఉంది. దీని కోసం దేశవ్యాప్తంగా సినీ ప్రియులు ఎంతో ఉత్కంఠగా ఎదురుచూస్తున్నారు.
అయితే ఇంకా సెట్స్పైకి వెళ్లని ఈ రెండో భాగం గురించి తాజాగా ఓ ఇంట్రెస్టింగ్ వార్త బయటకు వచ్చింది. ఈ చిత్రం పోస్ట్ థియేట్రికల్ ఓటీటీ రైట్స్ కొనగోలుకు ఫుల్ డిమాండ్ పెరిగిందట! వాటిని సొంతం చేసుకునేందుకు రెండు బడా సంస్థలు తీవ్రంగా పోటీ పడుతున్నాయని తెలిసింది. అమెజాన్ ప్రైమ్ వీడియో, డిస్నీ ప్లస్ హాట్స్టార్.. ఈ ఓటీటీ రైట్స్ను కొనుగోలు చేసేందుకు విపరీతంగా ఆసక్తి చూపుతున్నాయట. ఇందుకోసం భారీ మొత్తాన్ని ముందుగానే చెల్లించేందుకు సిద్ధమైనట్లు సమాచారం. ఇక నిర్మాతలు కూడా సినిమా ప్రారంభానికి ముందే ఈ రెండింటిలో ఓ సంస్థతో భారీ మొత్తానికి డీల్ను ఓకే చేయాలని భావిస్తున్నారట. మరి ఏం జరుగుతుందో చూడాలి.
కాగా, తొలి భాగంలో ఒక సాధారణ కూలీగా జీవితం మొదలు పెట్టిన పుష్పరాజ్‌ ఎర్రచందనం స్మగ్లింగ్‌ మాఫియాను శాసించే స్థాయికి ఎలా ఎదగాడన్నది అదిరిపోయేలా చూపించారు దర్శకుడు సుకుమార్. బన్నీ మాస్గెటప్, నటన, దేవీ శ్రీ ప్రసాద్ మ్యూజిక్ సినిమాకే హైలైట్గా నిలిచాయి. స్టార్ హీరోయిన్ సమంత చిందులేసిన 'ఊ అంటావా మావ' స్పెషల్ సాంగ్ దేశవ్యాప్తంగా మార్మోగిపోయింది. క‌న్న‌డ భామ ర‌ష్మిక ఈ చిత్రంలో శ్రీవ‌ల్లిగా డీ గ్లామ‌ర్ పాత్ర‌లో న‌టించి.. ఓ రేంజ్లో పాపులారిటీ సంపాదించుకుంది.
ఇదీ చూడండి: హాట్బ్యూటీతో బాలయ్య ఆటాపాట.. వెంకీ చెల్లిలిగా పూజాహెగ్డే!
