Rains in Andhra Pradesh: దక్షిణ కోస్తాంధ్ర పరిసర ప్రాంతాలపై ఉపరితల ఆవర్తనం కొనసాగుతోంది. సముద్ర మట్టం నుంచి 4.5 కిలోమీటర్ల ఎత్తున ఇది ఆవరించి ఉన్నట్టు వాతావరణ శాఖ అధికారులు వెల్లడించారు. దీనికితోడు మహారాష్ట్రలోని విదర్భ ప్రాంతం నుంచి తెలంగాణ మీదుగా రాయలసీమ వరకూ మరో ఉపరితల ఆవర్తనం కొనసాగుతోందని అధికారులు తెలిపారు. వీటి ప్రభావం వల్ల రాష్ట్రంలో చాలాచోట్ల మోస్తరు నుంచి విస్తారంగా వర్షాలు కురిసినట్టు అమరావతి వాతావరణ కేంద్రం వెల్లడించింది. రేపటి వరకు రాష్ట్రంలో చాలాచోట్ల తేలికపాటి నుంచి ఓ మోస్తరు వర్షాలు పడే అవకాశం ఉందని అధికారులు ప్రకటించారు.
ఇవి చదవండి:
