తెలంగాణలో అధికార పార్టీ అయిన తెరాస కార్యనిర్వహక అధ్యక్షుడు, ఆ రాష్ట్ర మంత్రి కేటీఆర్ జన్మదినం సందర్భంగా ఆయనకు శుభాకాంక్షలు వెల్లువెత్తుతున్నాయి. స్పీకర్ పోచారం శ్రీనివాస్ రెడ్డి, కేటీఆర్కు హృదయపూర్వక జన్మదిన శుభాకాంక్షలు తెలిపారు. ముక్కోటి వృక్షార్చన కార్యక్రమంలో భాగంగా అసెంబ్లీ ఆవరణలో మొక్కలు నాటిన పోచారం శ్రీనివాస్ రెడ్డి పార్టీలకు అతీతంగా మొక్కలు నాటేందుకు ముందుకు రావాలని కోరారు. శాసనమండలి సభ్యులందరి తరఫున ప్రొటెం ఛైర్మన్ భూపాల్‌ రెడ్డి కేటీఆర్కు జన్మదిన శుభాకాంక్షలు తెలిపారు.
ట్విట్టర్ ద్వారా జన్మదిన శుభాకాంక్షలు తెలిపిన మంత్రి హరీశ్ రావు... కేటీఆర్ ఆరోగ్యంగా జీవించాలని ఆకాక్షించారు. పలువురు ఎమ్మెల్యేలు, ఎమ్మెల్సీలు, సినీ ప్రముఖులు కూడా ట్విట్టర్లో కేటీఆర్కు జన్మదిన శుభాకాంక్షలు తెలిపారు. కేటీఆర్ జన్మదినాన్ని పురస్కరించుకుని యూసుఫ్‌గూడ కోట్ల విజయ భాస్కర్ రెడ్డి స్టేడియంలో నిర్వహించే మెగా రక్తదాన శిబిరానికి మంత్రి తలసాని శ్రీనివాస్ యాదవ్‌తో కలిసి కేటీఆర్ హాజరుకానున్నారు.
మొక్కలు నాటిన మంత్రి పువ్వాడ
మంత్రి కేటీఆర్ జన్మదిన వేడుకలు ఖమ్మంలో ఘనంగా నిర్వహించారు. రాష్ట్ర మంత్రి పువ్వాడ అజయ్ కుమార్ ఆధ్వర్యంలో జిల్లా వ్యాప్తంగా మూడు కోట్ల మొక్కలు నాటారు. ముందుగా జిల్లా పార్టీ కార్యాలయంలో మంత్రి అజయ్ మొక్క నాటి... కేక్‌ కట్‌చేసి మీఠాయిలు పంచారు. నగరంలోని దివ్యాంగులకు మూడు చక్రాల వాహనాలు 'స్మైల్ ఏ గిఫ్ట్'గా ఇవ్వనున్నట్లు మంత్రి తెలిపారు.
వేడుకల్లో దానం
హైదరాబాద్ నగరాన్ని విశ్వనగరంగా తీర్చిదిద్దడంలో ఐటి శాఖ మంత్రి కేటీఆర్ పాత్ర ప్రముఖమైనదని మాజీ మంత్రి, ఖైరతాబాద్ ఎమ్మెల్యే దానం నాగేందర్ అన్నారు. ముక్కోటి వృక్షార్చనలో భాగంగా ట్యాంక్బండ్ పీపుల్స్ ప్లాజా వద్ద దానం మొక్కలను నాటారు. నిరాడంబరంగా జన్మదిన వేడుకలు జరుపుకుంటున్న కేటీఆర్.. స్మైల్ ఏ గిఫ్ట్ పేరుతో సామాజిక కార్యక్రమానికి శ్రీకారం చుట్టారని కొనియాడారు. అందులో భాగంగా ఖైరతాబాద్ నియోజకవర్గంలో 25 మంది వికలాంగులకు ట్రై సైకిళ్లను పంపిణీ చేసినట్లు దానం తెలిపారు.
బృహత్తర కార్యక్రమం
ఆకుపచ్చ తెలంగాణ కోసం హరితహారం అనే బృహత్తర కార్యక్రమాన్ని ప్రభుత్వం చేపట్టిందని మెదక్ ఎమ్మెల్యే పద్మాదేవేందర్ రెడ్డి అన్నారు. మెదక్లోని క్యాంపు కార్యాలయంలో కేటీఆర్ పుట్టినరోజు వేడుకలను నిర్వహించారు. ముక్కోటి వృక్షార్చనలో భాగంగా మొక్కలు నాటారు. అనంతరం జిల్లా ప్రభుత్వ ఆసుపత్రిలో మొక్కలు నాటి.. రోగులకు పండ్లను పంపిణీ చేశారు.
ఘనంగా వేడుకలు
ఆదిలాబాద్లో ఎమ్మెల్యే జోగు రామన్న ఆధ్వర్యంలో వేడుకలు జరిగాయి. మంత్రి కేటీఆర్ జన్మదినం నేపథ్యంలో మంచిర్యాల పట్టణంలో ఎమ్మెల్యే దివాకర్రావు తెరాస శ్రేణులతో కలిసి మొక్కలు నాటారు. మంచిర్యాల జిల్లా శ్రీరాంపూర్ ఏరియా సింగరేణి ఆర్కే-6 బొగ్గు గని ఆవరణలో కార్మికులు, కార్మిక నాయకులు కేటీఆర్ జన్మదిన వేడుకలను నిర్వహించారు.
ఉత్సాహంగా ముక్కోటి వృక్షార్చన
వరంగల్లో వృక్షార్చన కార్యక్రమం ఉత్సాహంగా కొనసాగుతోంది. హన్మకొండలోని చింతగట్టు వద్ద వరంగల్ మేయర్ గుండు సుధారాణి, వర్ధన్నపేట ఎమ్మెల్యే అరూరి రమేష్ మొక్కలను నాటారు. రాష్టం ఆకుపచ్చ తెలంగాణగా మారాలంటే ప్రతి ఒక్కరు మొక్కలు నాటాలని వారు కోరారు.
ఎంపీ సంతోష్కుమార్ స్వగ్రామంలో..
రాజ్యసభ సభ్యుడు జోగినపళ్లి సంతోష్ కుమార్ స్వగ్రామమైన కరీంనగర్ జిల్లాలోని కొదురుపాకలో తెరాస రాష్ట్ర నాయకుడు జోగినపల్లి రవీందర్ రావు ఆధ్వర్యంలో ముక్కోటి వృక్షార్చన నిర్వహించారు. సిరిసిల్ల - కరీంనగర్ రహదారిలో బోయినపల్లి మండలం కొదురుపాక నాలుగు వరుసల రహదారి మధ్యలో మొక్కలు నాటారు. నల్గొండ జిల్లా మిర్యాలగూడలో కేటీఆర్ జన్మదినం సందర్భంగా ఎమ్మెల్యే భాస్కర్ రావుతో కలిసి గుత్తా సుఖేందర్రెడ్డి పలు కార్యక్రమాల్లో పాల్గొన్నారు.
ట్విట్టర్లో ట్రెండింగ్..
తెలంగాణ ఐటీ, పురపాలక శాఖల మంత్రి కేటీఆర్ జన్మదినం సందర్భంగా సినీ, రాజకీయ ప్రముఖులు శుభాకాంక్షలు తెలుపుతున్నారు. ట్విటర్, ఫేస్బుక్, ఇన్స్టాగ్రామ్ వంటి సామాజిక మాధ్యమాల ద్వారా బర్త్ డే విషెస్ చెబుతున్నారు. తెరాస కార్యకర్తలు మొక్కలు నాటుతున్నారు. ట్విటర్లో హ్యాపీ బర్త్ డే కేటీఆర్ అనే హ్యాష్ ట్యాగ్ ట్రెండ్ అవుతోంది.
మంత్రుల శుభాకాంక్షలు
రాష్ట్ర మంత్రులు ఇంద్రకరణ్ రెడ్డి, పువ్వాడ అజయ్ కుమార్, మల్లారెడ్డి, వేముల ప్రశాంత్ రెడ్డి, గంగుల కమలాకర్, హోంమంత్రి మహమూద్ అలీ ట్విటర్ వేదికగా కేటీఆర్కు విషెస్ చెప్పారు. శాసనసభ సభాపతి పోచారం శ్రీనివాస్ కేటీఆర్కు హృదయ పూర్వక జన్మదిన శుభాకాంక్షలు తెలిపారు. కేటీఆర్ పుట్టినరోజు సందర్భంగా ముక్కోటి వృక్షార్చన కార్యక్రమం నిర్వహిస్తున్నట్లు వెల్లడించారు. ఈ కార్యక్రమంలో భాగంగా మొక్కలు నాటిన పోచారం.. పార్టీలకతీతంగా మొక్కలు నాటేందుకు ముందుకు రావాలని ప్రజలకు పిలుపునిచ్చారు.
హరీష్, కవిత స్పెషల్ విషెస్
మంత్రి కేటీఆర్కు ఆర్థిక శాఖ మంత్రి హరీశ్ రావు, ఎమ్మెల్సీ కల్వకుంట్ల కవిత పుట్టిన రోజు శుభాకాంక్షలు చెప్పారు. హరీశ్రావు ట్వీట్కు కేటీఆర్.. థాంక్యూ బావా అని రిప్లై ఇచ్చారు. కాలేరు వెంకటేశ్, పెద్ది సుదర్శన్ రెడ్డి, హరిప్రియ వంటి పలువురు ఎమ్మెల్యేలు మంత్రికి బర్త్డే విషెస్ తెలిపారు.
సినీ ప్రముఖులు సైతం...
రాజకీయ ప్రముఖులే కాకుండా.. సినీ తారలు, దర్శకులు కూడా కేటీఆర్కు శుభాకాంక్షలు తెలిపారు. సూపర్ స్టార్ మహేశ్ బాబు, మాస్మహారాజ రవితేజ, మంచు విష్ణు, చాక్లెట్ బాయ్ రామ్, కమెడియన్ వెన్నెల కిశోర్, బాలీవుడ్ స్టార్.. రియల్ హీరో సోనూసూద్, రంఘనాథన్ మాధవన్, డైరెక్టర్లు బాబీ, అనిల్ రావిపూడి వంటి పలువురు సినీ ప్రముఖులు కేటీఆర్కు విష్ చేశారు.
ప్రముఖ బ్యాడ్మింటన్ క్రీడాకారిణి గుత్తా జ్వాలా మంత్రి కేటీఆర్కు ట్విటర్ ద్వారా పుట్టిన రోజు శుభాకాంక్షలు తెలిపారు. ఎంపీలు రంజిత్ రెడ్డి, కొత్త ప్రభాకర్ రెడ్డి, ప్రణాళికా సంఘం ఉపాధ్యక్షుడు వినోద్ కుమార్ మంత్రికి విషెస్ చెప్పారు. ఏపీకి చెందిన ఓ అభిమాని కేటీఆర్ చిన్నప్పటి చిత్రాన్ని.. ఇప్పటి చిత్రాన్ని పోస్ట్ చేసి బర్త్ డే విషెస్ చెప్పారు. దానికి స్పందిస్తూ.. అప్పటికీ.. ఇప్పటికీ ఏం మారలేదని రీట్వీట్ చేశారు.
" మీలాంటి యంగ్ అండ్ డైనమిక్ లీడర్ నేటి తరానికి ఎంతో అవసరం. తెలంగాణకు మీరు చేస్తున్న సేవకు సెల్యూట్. మీరు ఇలాగే ప్రజల కోసం నిరంతరం పని చేయాల.. మీ విజన్ ఎప్పటికీ ఇలాగే ఉండాలి. రాష్ట్ర ప్రజలు మిమ్మల్ని ఎంతగా అభిమానిస్తున్నారో మాకు తెలుసు. మీరు ఎల్లప్పుడూ ఆరోగ్యంగా, ఆనందంగా ఉండాలి. ఈ సంవత్సరం మీకు ఎన్నో శుభాలు కలగాలి. ఎంజాయ్ యువర్ బర్త్ డే కేటీఆర్ " - సినీ ప్రముఖులు
ఇదీ చదవండి:
