Upcoming Cars In India 2024 : కొత్త ఏడాదిలో స్టన్నింగ్ ఫీచర్స్, స్టైలిష్ లుక్స్తో.. పలు సరికొత్త మోడల్ కార్లు ఇండియన్ మార్కెట్లోకి రానున్నాయి. వాటిలో కియా, టాటా, మారుతి సుజుకి, టయోటా, హ్యుందాయ్లకు చెందిన కార్లు ఉన్నాయి. ఇవన్నీ మరో 3 - 4 నెలల్లో లాంఛ్ కానున్నాయి. అందుకే వాటిపై ఓ లుక్కేద్దాం రండి.
1. Kia Sonet Car Features : కియా సోనెట్ డిసెంబర్ 14న భారత్ మార్కెట్లో లాంఛ్ కానుంది. ఈ సరికొత్త కాంపాక్ట్ ఎస్యూవీని లేటెస్ట్ ఆపోజిట్ యునైటెడ్ డిజైన్ ఫిలాసఫీతో రూపొందించారు. ఫీచర్ల విషయానికి వస్తే.. టాప్-ఎండ్ కార్లలో ADASతో సహా, పలు స్పెషల్ ఫీచర్లను పొందుపరిచినట్లు తెలుస్తోంది. అలాగే దీనిలోని క్యాబిన్ను కూడా సూపర్ ప్రీమియం క్వాలిటీతో రూపొందించినట్లు సమాచారం. ప్రస్తుతానికి దీని ధర ఇంకా ప్రకటించలేదు.
2. Tata Punch EV Features : దేశీయ ఆటోమొబైల్ దిగ్గజం టాటా మోటార్స్.. త్వరలోనే ఈ పంచ్ ఈవీ కారును ఇండియన్ మార్కెట్లో లాంఛ్ చేసేందుకు సన్నాహాలు చేస్తోంది. నెక్సాన్ ఈవీ, టియాగో ఈవీ, టిగోర్ ఈవీల మాదిరిగానే.. దీనిని కూడా జిప్ట్రాన్ టెక్నాలజీతో రూపొందించారు. ఈ ఎలక్ట్రిక్ కారు రెండు బ్యాటరీ ఆప్షన్లతో వస్తుంది. టాటా కంపెనీ ఈ ఈవీ కారు ఇంటీరియర్లో పలు మార్పులు చేసింది. అంతేకాదు ఎక్స్టీరియర్ లుక్స్లోనూ చాలా మార్పులు చేసినట్లు సమాచారం.
3. Maruti Suzuki Swift Features : ఈ న్యూ-జెన్ మారుతి సుజుకి స్విఫ్ట్ కారు ఇప్పటికే పలుమార్లు రోడ్లపై కనిపించింది. మారుతి సుజుకి ఈ కారును మరికొద్ది నెలల్లోనే భారత మార్కెట్లో విడుదల చేయడానికి సన్నాహాలు చేస్తోంది. ఈ కారు డిజైన్ను సరికొత్తగా రూపొందించింది. అంతేకాదు కారు ఇంటీరియర్లోనూ సరికొత్త ఫీచర్లు, టెక్నాలజీలను పొందుపరిచింది. అన్నికంటే ముఖ్యమైన విషయం ఏమిటంటే.. ఈ నయా మారుతి సుజుకి కారు 1.2 లీటర్ల మైల్డ్ హైబ్రీడ్ జెడ్ సిరీస్ ఇంజన్ ఆప్షన్తో వస్తుంది.
4. Toyota Urban Cruiser Taisor Car Features : మారుతి సుజుకి ఫ్రాంక్స్ వెర్షన్ను ఆధారం చేసుకుని టయోటా అర్బన్ క్రూయిజర్ టైసర్ను రూపొందించారు. కనుక ఈ రెండు కార్ల మధ్య కొద్దిపాటి కాస్మెటిక్ తేడాలు మాత్రమే ఉంటాయి. ఇక టయోటా కారులోని ఇంజిన్, ఫీచర్లు మొత్తం.. మారుతి సుజుకి ఫ్రాంక్స్ కారు మాదిరిగానే ఉంటాయి.
5. Hyundai Creta Features : హ్యుందాయ్ కంపెనీ 2024 ఫిబ్రవరి లేదా మార్చి నెలలో ఈ క్రెటా కారును ఇండియన్ మార్కెట్లో విడుదల చేసే అవకాశం ఉంది. హ్యుందాయ్ ఈ నయా కారు ముందు భాగం డిజైన్లోనూ సరికొత్త మార్పులు చేసింది. ఇంటీరియర్లోనూ అనేక కొత్త ఫీచర్లను ఏర్పాటుచేసింది. అంతేకాదు ఈ కారులో లెవెల్-2 ADAS టెక్నాలజీని పొందుపరిచింది.
కొత్త కారు కొనాలా? ఆ మోడల్పై ఏకంగా రూ.3 లక్షలు డిస్కౌంట్!
స్టన్నింగ్ ఫీచర్స్తో టెస్లా Cybertruck లాంఛ్ - 547 కి.మీ డ్రైవింగ్ రేంజ్ - ధర ఎంతంటే?
