Swiggy One Lite Membership Plan : ప్రముఖ ఫుడ్ డెలివరీ ప్లాట్ఫాం స్విగ్గీ తన కస్టమర్ బేస్ పెంచుకునేందుకు ఓ సరికొత్త బడ్జెట్ మెంబర్షిప్ ప్లాన్ను అందుబాటులోకి తెచ్చింది. అదే 'స్విగ్గీ వన్ లైట్'. కేవలం రూ.99కే ఈ 3 నెలల వ్యవధిగల మెంబర్షిప్ ప్లాన్ను అందిస్తోంది. దీని ద్వారా ఫ్రీ ఫుడ్ డెలివరీ సహా అనేక ఇతర ప్రయోజనాలను కూడా కల్పిస్తామని చెబుతోంది. అవి ఏమిటో ఇప్పుడు తెలుసుకుందాం.
స్విగ్గీ ఆఫర్స్
Swiggy One Lite Offers : స్విగ్గీ వన్ లైట్ చందాదారులకు.. ఉచితంగా ఆహారం, సరకులు సరఫరా చేస్తారు. అలాగే పిక్-అప్, డ్రాప్ సర్వీసులు కూడా అందిస్తారు. పైగా ఫ్రీ కొరియర్ సర్వీస్ కూడా ఉంటుంది. వీటి గురించి మరింత వివరంగా ఇప్పుడు తెలుసుకుందాం.
- స్విగ్గీ వన్ లైట్ మెంబర్షిప్ ఉన్నవారు రూ.149 లేదా అంత కంటే ఎక్కువ విలువైన ఫుడ్ ఆర్డర్ పెడితే వారికి ఉచిత డెలివరీ ఫెసిలిటీ లభిస్తుంది. ఇలా 10 ఆర్డర్ల వరకు ఫ్రీగా ఫుడ్ డెలివరీ చేస్తారు.
- రూ.199 లేదా అంతకంటే ఎక్కువ విలువైన వస్తువులను ఆర్డర్ చేస్తే.. 10 ఫ్రీ ఇన్స్టామార్ట్ డెలివరీస్ చేస్తారు.
- స్విగ్గీ చైన్లో దాదాపు 20,000 వరకు రెస్టారెంట్లు ఉన్నాయి. వీటిలో రోజూ ఏదో ఒక ఆఫర్ నడుస్తూనే ఉంటుంది. వీటికి తోడు స్విగ్గీ వన్ లైట్ మెంబర్స్కు మరో 30 శాతం వరకు అదనపు డిస్కౌంట్ లభిస్తుంది.
- రూ.60 కంటే ఎక్కువ విలువైన స్విగ్గీ జీనీ డెలివరీస్పై 10 శాతం వరకు డిస్కౌంట్ అందిస్తారు.
బ్రాండ్ కొలాబరేషన్ : టెలికాం, బ్యాంకింగ్ సెక్టార్స్లోని అనేక బ్రాండ్లతో స్విగ్గీ భాగస్వామ్యం (కొలాబరేషన్) ఏర్పరుచుకుంది. అందువల్ల సదరు కంపెనీలు తమ సొంత ఉత్పత్తులపై కూడా భారీగా డిస్కౌంట్స్, ఆఫర్స్ అందిస్తున్నాయి. దీని వల్ల స్విగ్గీ యూజర్లకు మరింతగా బెనిఫిట్స్ లభించే అవకాశం ఏర్పడింది.
ప్రస్తుతం భారత దేశంలో ఫుడ్ డెలివరీ ప్లాట్ఫాంలు మంచి ఊపులో ఉన్నాయి. జొమాటో, స్విగ్గీ లాంటివి తమ యూజర్లకు బెస్ట్ ఎక్స్పీరియన్స్ ఇవ్వడం కోసం.. ఇప్పటికే ప్రీమియం మెంబర్షిప్ ప్లాన్స్ను అందిస్తున్నాయి. అయితే తాజాగా స్విగ్గీ తెచ్చిన వన్ లైట్ మెంబర్షిప్ ప్లాన్ ఒక గేమ్-ఛేంజర్ అవుతుందని మార్కెట్ నిపుణులు భావిస్తున్నారు.
