Stock Market Today: స్టాక్ మార్కెట్లు మళ్లీ నష్టాల్లో ముగిశాయి. గత సెషన్లో పుంజుకున్న స్టాక్మార్కెట్లు శుక్రవారం నష్టాలను నమోదు చేశాయి. బీఎస్ఈ సెన్సెక్స్ 460 పాయింట్లు కోల్పోయి 57,060 వద్ద స్థిరపడగా.. ఎన్ఎస్ఈ నిఫ్టీ 142 పాయింట్లు నష్టపోయి 17,102కు చేరుకుంది.
తీవ్ర ఒడుదొడుకుల మధ్య 57,817 వద్ద ప్రారంభమైన సెన్సెక్స్ ఒక దశలో 57వేల దిగువకు చేరుకుంది. కనిష్ఠంగా 56,902... గరిష్ఠంగా 57,975 పాయింట్లను నమోదు చేసింది. మరోవైపు నిఫ్టీలో కూడా ట్రేడింగ్ ఒడుదొడుకులను ఎదుర్కొంది. 17,329 వద్ద ప్రారంభమైన నిఫ్టీ.. గరిష్ఠంగా 17,377కు చేరుకుంది. కానీ మార్కెట్లు ముగిసే సమయానికి తీవ్ర నష్టాలను ఎదుర్కొంది. కనిష్ఠంగా 17,053 పాయింట్లకు పడిపోయింది.
- బ్యాంక్, ఆయిల్ అండ్ గ్యాస్, రియల్ ఎస్టేట్, పీఎస్యూ బ్యాంక్, పవర్, క్యాపిటల్ గూడ్స్ సూచీలు నష్టాలను నమోదు చేయడం మార్కెట్పై ప్రభావం చూపింది. ఈ సూచీలన్నీ 1-2 శాతం నష్టాన్ని నమోదు చేశాయి.
- హెచ్డీఎఫ్సీ బ్యాంక్, సన్ఫార్మా, టాటా స్టీల్, కొటక్బ్యాంక్, హెచ్డీఎఫ్సీ లైఫ్ షేర్లు లాభాలను నమోదు చేశాయి.
- యాక్సిస్ బ్యాంక్, కోల్ ఇండియా, అదానీ పోర్ట్స్, విప్రో, ఓఎన్జీసీ షేర్లు నష్టాలను నమోదు చేశాయి.
ఇదీ చూడండి : త్వరలో ప్రభుత్వ ఈ-కామర్స్ ప్లాట్ఫాం.. అమెజాన్, ఫ్లిప్కార్ట్కు గట్టి పోటీ!
