How to Use SBI WhatsApp Banking Services : ప్రముఖ ప్రభుత్వరంగ బ్యాంకు స్టేట్ బ్యాంక్ ఆఫ్ ఇండియా(ఎస్బీఐ) తమ వినియోగదారులకు బ్యాంకింగ్ సేవలను మరింత చేరువ చేసేందుకు గతేడాది ఓ సరికొత్త అప్డేట్ను ప్రవేశపెట్టింది. అదే 'ఎస్బీఐ వాట్సాప్ బ్యాంకింగ్' ఫీచర్. అంటే దీని సాయంతో మెసేజింగ్ యాప్ వాట్సాప్ ద్వారానే మన బ్యాంక్ లావాదేవీలన్నింటినీ చక్కబెట్టేసుకోవచ్చు. మరి ఈ ఫీచర్తో ఎస్బీఐ అందిస్తున్న సర్వీసులేంటో ఇప్పుడు చూద్దాం.
వాట్సాప్ బ్యాంకింగ్ ద్వారా ఎస్బీఐ అందిస్తున్న సర్వీసులివే..
- అకౌంట్ బ్యాలెన్స్ చెకింగ్
- మినీ స్టేట్మెంట్(గత 5 ట్రాన్సాక్షన్స్)
- పెన్షన్ స్లిప్
- సేవింగ్స్ అకౌంట్, రికరింగ్ డిపాజిట్లు, టెర్మ్ డిపాజిట్లు, వడ్డీ రేట్లు సహా ఇతర డిపాజిట్ ప్రొడక్ట్లకు సంబంధించిన వివరాలను వాట్సాప్ బ్యాంకింగ్ ద్వారా తెలుసుకోవచ్చు.
- హోమ్ లోన్, కార్ లోన్, గోల్డ్ లోన్, పర్సనల్ లోన్, ఎడ్యుకేషన్ లోన్ సహా ఇతర రుణాలకు సంబంధించి వాటి వివరాలు, వడ్డీ రేట్లను కూడా తెలుసుకోవచ్చు.
- NRE అకౌంట్, NRO అకౌంట్కు సంబంధించి ఎన్ఆర్ఐ సేవలను కూడా పొందవచ్చు. వీటికి సంబంధించి వడ్డీ రేట్ల వివరాలను కూడా తెలుసుకోవచ్చు.
- బ్యాంకు అందిస్తున్న సేవలకు సంబంధించి తరచుగా అడిగే ప్రశ్నలకు సమాధానాలను కూడా వాట్సాప్ బ్యాంకింగ్ ద్వారా పొందవచ్చు. ఉదాహరణకు బ్యాంక్ ప్రొడక్ట్ల ఫీచర్లు, కావాల్సిన అర్హతలు తదితరాలు.
- కాంటాక్ట్స్ / గ్రీవెన్స్ రిడ్రెస్సల్ హెల్ప్‌లైన్‌ నంబర్లు కూడా వాట్సాప్ బ్యాంకింగ్లో అందుబాటులో ఉంటాయి.
- ప్రీ-అప్రూవ్డ్ లోన్కు సంబంధించి అడిగే ప్రశ్నలకు సమాధానాలు కూడా ఇక్కడ మనం పొందగలము. ఉదాహరణకు వ్యక్తిగత రుణాలు, వాహన రుణాలు(కార్ లోన్, టూ-వీలర్)
ఎస్బీఐ వాట్సాప్ బ్యాంకింగ్ సర్వీస్కు రిజిస్టర్ అవ్వండిలా..
SBI WhatsApp Banking Service Register :
- బ్యాంకుకు సమర్పించిన మీ రిజిస్టర్డ్ మొబైల్ నంబర్ నుంచి 9022690226 నంబర్కు WAREG అని టైప్ చేసి స్పేస్ ఇచ్చి మీ 12 అంకెల బ్యంక్ అకౌంట్ నంబర్ను ఎంటర్ చేసి మెసేజ్ చేయండి.
- ఇలా ఎస్బీఐ వాట్సాప్ బ్యాంకింగ్లో మీ పేరు నమోదు అవుతుంది. దీంతో మీరు ఎస్బీఐ వాట్సాప్ బ్యాంకింగ్ సేవలను ఉచితంగా పొందగలుగుతారు.
- 9022690226 నంబర్ నుంచి మీ వాట్సాప్కు ఓ సందేశం వస్తుంది. ఆ నంబర్కు హాయ్ అని మెసేజ్ పెట్టండి. అనంతరం బ్యాంక్ అడిగే సూచనలను అనుసరించండి.
- ఇక్కడ అకౌంట్ బ్యాలెన్స్, మినీ స్టేట్మెంట్, డీరిజిస్టర్ వాట్సాప్ బ్యాంకింగ్ ఆప్షన్లను మీకు అందిస్తారు.
- అకౌంట్ బ్యాలెన్స్‌ను చెక్ చేయడానికి '1' టైప్ చేయాలి. మినీ స్టేట్మెంట్ కోసం '2' అంకెను నొక్కండి.
Bank Strike News : కస్టమర్లకు అలర్ట్.. 10 రోజులు బ్యాంక్ ఉద్యోగుల సమ్మె.. ఎప్పుడంటే..
