బిహార్లో ఓ మహిళ వీరంగం సృష్టించింది. తాను దుర్గాదేవినంటూ మాయమాటలు చెప్పి పోలీసులను ఏమార్చేందుకు విఫలయత్నం చేసింది. స్టేషన్ ముందు చేతబడి చేసింది.
వివరాల్లోకి వెళితే..
జముయీ జిల్లాకు చెందిన ఈ మహిళ పేరు సంజూ దేవి. తాగుడుకు అలవాటుపడ్డ ఆమె భర్త కార్తిక్ మాంఝీ.. పోలీసుల అదుపులో ఉన్నాడు. అతడిని ఎలాగైనా బయటకు తీసుకురావాలనే ఉద్దేశంతో మహిళ ఈ ప్రయత్నం చేసింది. ఓ చేతిలో కర్ర, మరో చేతిలో బియ్యం పట్టుకొని పోలీస్ స్టేషన్కు వెళ్లింది సంజూదేవి. 'నేను భక్తురాలిని. నాలో దుర్గామాత ఉంది. నా భర్తను కాపాడుకునేందుకు వచ్చా' అంటూ పోలీసులతో వాగ్వాదానికి దిగింది. దీంతో అక్కడ హైఓల్టేజ్ డ్రామా నడిచింది.
ఈ సందర్భంగా వెంట తెచ్చుకున్న కర్రతో గిమ్మిక్కులు చేయడం ప్రారంభించింది ఆ మహిళ. బియ్యం గింజలను పోలీసు అధికారులు, సిబ్బందితో పాటు అక్కడ ఉన్న అందరి తలలపై విసిరింది. తన ఆదేశాలు లేకుండా ఏదీ జరగదంటూ చెప్పుకొచ్చింది. దీంతో పోలీసులు స్పందించారు. మహిళను లేడీ కానిస్టేబుళ్లు బయటకు తీసుకెళ్లారు. అరెస్టు చేస్తామని హెచ్చరించేసరికి మహిళ శాంతించిందని పోలీసు స్టేషన్ అధికారి జితేంద్ర దేవ్ దీపక్ తెలిపారు.
ఇదీ చదవండి:
