ఓ యువకుడు తన జుట్టు ఊడిపోయిందన్న తీవ్ర మనస్తాపంతో.. ఉరివేసుకుని ఆత్మహత్య చేసుకున్నాడు. ఓ ప్రైవేట్ క్లినిక్లో మందులు వాడినా సరే సమస్య తగ్గకపోగా.. కనుబొమ్మలపై జుట్టు సైతం ఊడిపోయింది. దీంతో ఆ యువకుడు అక్టోబర్లో ఆత్మహత్య చేసుకున్నాడు. అయితే.. పోలీసులు తమకు న్యాయం చేయడం లేదని మృతుని కుటుంబసభ్యులు ఆరోపించడం వల్ల ఈ విషయం వెలుగులోకి వచ్చింది.
కేరళలోని ఉత్తర్ కన్నూర్కు చెందిన 26 ఏళ్ల ప్రశాంత్ అనే వ్యక్తి.. 2014 నుంచి కొజికోడ్లోని ఓ ప్రైవేట్ క్లినిక్లో జుట్టు రాలే సమస్యకు చికిత్స పొందాడు. అయితే.. ఆ డాక్టర్ ఇచ్చిన మందుల కారణంగా తన తల సహా కనుబొమ్మలపై జుట్టును సైతం కోల్పోయినట్లు అతడి కుటుంబసభ్యులు తెలిపారు. దీంతో మానసిక కుంగుబాటుకు లోనైన ప్రశాంత్.. ఇంట్లో ఎవరూ లేని సమయంలో అక్టోబర్ 1న ఆత్మహత్య చేసుకున్నట్లు కుటుంబసభ్యులు తెలిపారు. ప్రశాంత్ రాసిన సూసైడ్ నోట్లో.. తనకు వైద్యం వికటించడం వల్లనే ఆత్మహత్య చేసుకున్నట్లు తెలిపాడు. ప్రశాంత్ మృతికి కారణమైన డాక్టర్పై పోలీసులు చర్యలు తీసుకోవడంలేదని మృతుడి కుటుంబసభ్యులు ఆరోపించారు. అయితే.. ప్రశాంత్కు సరైన వైద్యమే అందించానని.. అతడిది అరుదైన సమస్య అని ఆ డాక్టర్ తెలిపారు. దీనిపై పూర్తి దర్యాప్తు చేపడతామని స్థానిక ఎస్సై తెెలిపారు.
ఇవీ చదవండి:
10 నెలల్లో 55 లీటర్ల చనుబాలు దానం.. ఇండియా బుక్‌ ఆఫ్‌ రికార్డ్స్లో చోటు
