Minister Daughter in Law Hanging: మధ్యప్రదేశ్ విద్యాశాఖ మంత్రి ఇందర్ సింగ్ పర్మార్ కోడలు ఆత్మహత్య చేసుకుంది. షాజాపుర్ జిల్లా పొంచానేర్ గ్రామంలోని తన నివాసంలో ఉరి వేసుకుని చనిపోయింది 22 ఏళ్ల సవితా పర్మార్. మంగళవారం జరిగిందీ ఘటన. కుటుంబ సమస్యల కారణంగానే ఆమె ఆత్మహత్య చేసుకున్నట్లు తెలుస్తోంది. పోలీసులు ఇంకా అధికారిక ప్రకటన చేయలేదు. మృతదేహాన్ని పోస్టుమార్టానికి తరలించారు. ఇందర్ సింగ్ కుమారుడు దేవ్రాజ్ సింగ్ను మూడేళ్ల క్రితం వివాహం చేసుకుంది సవిత.
బాలుడ్ని చంపిన పోలీస్: మధ్యప్రదేశ్ దతియా జిల్లాలో దారుణం జరిగింది. పదే పదే డబ్బులు అడిగాడని.. ఓ ఆరేళ్ల బాలుడ్ని గొంతు నులిమి హత్య చేశాడు పోలీస్ హెడ్ కానిస్టేబుల్. అతడి మృతదేహాన్ని కారులో 70 కి.మీ. దూరం తీసుకెళ్లి.. గ్వాలియర్లోని నిర్జన ప్రదేశంలో పడేశాడు. ఈ ఘటన గత గురువారం జరగ్గా.. ఆలస్యంగా వెలుగులోకి వచ్చింది. కొంతకాలంగా తాను డిప్రెషన్లో ఉన్నానని, బాలుడు పదే పదే డబ్బులు అడిగేసరికి కోపంతా చంపినట్లు నిందితుడు రవి శర్మ ఒప్పుకున్నాడు.
- దగ్గరి బంధువైన ఓ మహిళను(55) చంపి వ్యక్తి పరారైన ఘటన మహారాష్ట్ర పాల్ఘర్లో జరిగింది. నల్లాసొపొరా ప్రాంతంలో మంగళవారం సాయంత్రం ఈ విషయం వెలుగులోకి వచ్చింది. మహిళ అక్కడికక్కడే ప్రాణాలు కోల్పోగా.. సమాచారం అందుకున్న పోలీసులు మృతదేహాన్ని పోస్టుమార్టానికి తరలించారు. నిందితుడు నర్సునాయక్ కోసం గాలిస్తున్నారు. హత్యకు గల కారణాలు తెలియాల్సి ఉంది.
- మదర్సాలో ఆరేళ్ల బాలికపై అత్యాచారానికి సంబంధించి ఓ వ్యక్తికి జీవిత ఖైదు విధించింది రాజస్థాన్ కోటాలోని పోక్సో కోర్టు. రూ. లక్ష జరిమానా కూడా విధించింది. మదర్సాలో ఉర్దూ చదువుకునేందుకు కోట్సువా గ్రామానికి వచ్చిన బాలికపై.. 2021 నవంబర్ 13న దారుణానికి ఒడిగట్టాడు అబ్దుల్ రహీమ్. దీంతో కోర్టు ఇప్పుడు శిక్ష ఖరారు చేసింది.
ఇవీ చూడండి: సమస్య పరిష్కరిస్తానంటూ మహిళపై పోలీస్ అత్యాచారం
