Dead Body Preservation: మనిషి చనిపోయి కొన్ని గంటలు గడిచేసరికే ఆ శవం కుళ్లిపోవడం మొదలవుతుంటుంది. ఆ శవం నుంచి భరించలేని దుర్గంధం కూడా వస్తుంటుంది. శీతల వాతావరణంలో మాత్రమే వీటిని భద్రపరచగలరు. కానీ ఈ మృతదేహాలు సాధారణ ఉష్ణోగ్రతల్లో కూడా వందల ఏళ్లు గడిచినా పాడవకుండా ఉండేలా ఓ ఫోరెన్సిక్​ వైద్యుడు ప్రయోగం చేశారు. ఇందులో భాగంగా ఆయన ప్రయోగం జరిపిన నాలుగు మృతదేహాలను కర్ణాటక బెంగళూరులోని ఆక్స్​ఫర్డ్​ మెడికల్ కాలేజీలో వైద్య విద్యార్థుల ముందు శుక్రవారం ప్రదర్శించారు.

ప్రదర్శనకు ఉంచిన నాలుగు మృతదేహాల్లో మూడు పెద్దలవి కాగా ఒకటి శిశువుది. "ఈ మృతదేహాలను నేను గత కొంతకాలంగా సాధారణ ఉష్ణోగ్రతల్లోనే భద్రపరుస్తున్నాను. ఇవి ఏ రకంగానూ పాడవలేదు. ఎలాంటి దుర్వాసన కూడా లేదు. నేను వాడిన రసాయనాలు, ఉపయోగించిన విధానం వాసన రాకుండా కట్టడి చేసింది. రసాయనాలు బాగా పనిచేశాయి." అని డాక్టర్​ దినేశ్​ రావు వెల్లడించారు. డాక్టర్​ దినేశ్​.. అదే కాలేజీలో ఫోరెన్సిక్​ సైన్స్​ స్పెషలిస్ట్​గా సేవలు అందిస్తున్నారు.

ఇదీ చూడండి : రూ.180 చెప్పులు ఎత్తుకెళ్లారని ఫిర్యాదు.. నవ్వుకున్న పోలీసులే చివరకు...