Delhi Excise Policy Case : దిల్లీ మద్యం కుంభకోణంలో ఉప ముఖ్యమంత్రి మనీశ్ సిసోదియా పాత్రపై ముఖ్యమంత్రి అరవింద్ కేజ్రీవాల్ మరోసారి స్పందించారు. మద్యం స్కాం ఒక ఫేక్ కేసు అని.. కావాలనే సిసోదియాను ఇందులో ఇరికించారని ఆరోపించారు. ఈ కేసులో సీబీఐకి ఏ ఆధారాలు లభించలేదని అన్నారు. కాగా దిల్లీ మద్యం కుంభకోణంలో సీబీఐ తన మొదటి చార్జ్షీటును శుక్రవారం సమర్పించింది.
"మనీశ్ పేరు సీబీఐ చార్జ్షీటులో లేదు. ఇది ఫేక్ కేసు. సిసోదియాపై నిర్వహించిన సోదాల్లో ఏం దొరకలేదు. నాలుగు నెలలుగా 800 మంది అధికారులు దర్యాప్తు చేసినా ఏం లభించలేదు. దిల్లీ విద్యావిధానంలో విప్లవాత్మక మార్పులు తీసుకొచ్చిన సిసోదియా.. పేద విద్యార్థులకు మంచి భవిష్యత్తు అందించారు. అలాంటి మంచి వ్యక్తిపై ఓ తప్పుడు కేసు బనాయించి.. ఆయనపై బురదజల్లే ప్రయత్నం చేశారు"
--అరవింద్ కేజ్రీవాల్, దిల్లీ ముఖ్యమంత్రి
ఇద్దరు వ్యాపారస్థులతో పాటు మరో ఐదుగురిపై సీబీఐ చార్జ్షీటు దాఖలు చేసింది. ఇందులో వ్యాపారస్థులతో పాటు హైదరాబాద్కు చెందిన మద్యం వ్యాపారి. దిల్లీకి చెందిన ఇద్దరు మద్యం సరఫరాదారులు, మరో ఇద్దరు అధికారులు ఉన్నారు. అయితే సిసోదియా పేరు ఎఫ్ఐఆర్లో ఉన్నా.. చార్జిషీటులో చేర్చలేదు. ఈ కేసులో దర్యాప్తు చేపట్టిన 60 రోజుల్లో సీబీఐ చార్జిషీటు దాఖలు చేసింది. నిందితులపై ఐపీసీలోని సెక్షన్ 120బి (నేరపూరిత కుట్ర), అవినీతి నిరోధక చట్టం కింద అభియోగాలు మోపినట్లు అధికారులు తెలిపారు.
ఇవీ చదవండి : శ్రద్ధ హత్య కేసులో మరో ట్విస్ట్.. త్వరలోనే గుడ్ న్యూస్ అని.. అంతలోనే హత్య!
'నేను వీడియోకాల్ లైవ్లో చూస్తా.. నీ భార్యను కొట్టు'.. ప్రియురాలి పైశాచికత్వం!
