Akhilesh Yadav on BJP: ఉత్తర్ప్రదేశ్ ఎన్నికలు సమీపిస్తున్న వేళ భాజపా క్రమంగా కూలిపోతోందని సమాజ్వాదీ పార్టీ నేత అఖిలేశ్ యాదవ్ అన్నారు. భాజపాలో ఒక్కో వికెట్ పడిపోతోందని.. అయినా ముఖ్యమంత్రికి క్రికెట్ ఆడటం చేతకాదని ఎద్దేవా చేశారు. భాజపాకు రాజీనామా చేసిన నేతలను ఎస్పీలో శుక్రవారం చేర్చుకున్న సందర్భంగా అఖిలేశ్ లఖ్నవూలో ఈ వ్యాఖ్యలు చేశారు. ఈ ఎన్నికల్లో మూడో వంతు సీట్లు తమకే దక్కుతాయని భాజపా అంటోందని.. దాని అర్థం ఆ పార్టీకి కేవలం మూడు లేదా నాలుగు రావడం అంటూ వ్యంగ్యాస్త్రాలు సంధించారు.
"తాను ఏ పార్టీలో ఉంటే ఆ పార్టీ ప్రభుత్వాన్ని ఏర్పాటు చేస్తుందని స్వామిప్రసాద్ మౌర్య అన్నారు. నిజమే.. ఈ సారి మా పార్టీకి చాలా మంది నేతలు తీసుకొచ్చారు. ఈ ఎన్నికల్లో భాజపాకు 20 శాతం ఎస్పీకి శాతం సీట్లు దక్కేవి. కానీ మౌర్య సహా మిగతా ఎమ్మెల్యేల రాకతో ఆ 20 శాతం కూడా భాజపా పోగొట్టుకుంది. బాబా ముఖ్యమంత్రి ఓ లెక్కల మాస్టారును సంప్రదించాలి."
-అఖిలేషన్ యాదవ్, సమాజ్వాదీ పార్టీ అధినేత
భాజపాకు 80 శాతం, ఇతర పార్టీలకు 20 శాతం మద్దతు ఉంటుందని ఇటీవల ఆ రాష్ట్ర ముఖ్యమంత్రి యోగి ఆదిత్యనాథ్ చేసిన వ్యాఖ్యలపై ఈ విధంగా స్పందించారు అఖిలేశ్.
ఓబీసీ నేత స్వామి ప్రాస్ మౌర్య, ధరమ్ సింగ్ సైనీ సహా మరో ఐదుగురు భాజపా ఎమ్మెల్యేలు, అప్నా దళ్కు (సోనేలాల్) ఎమ్మెల్యే అమర్సింగ్ చౌదరి కూడా ఎస్పీ కండువా కప్పుకున్నారు.
ఎస్పీలో చేరిన ఆ ఐదుగురు భాజపా ఎమ్మెల్యేలలో భగవతి సాగర్ (బిల్హౌర్ నియోజకవర్గం), రోషన్ లాల్ వర్మ (తిల్హర్ ), బ్రజేష్ ప్రజాపతి (తిన్ద్వారీ ), వినయ్ శక్యా (బిధునా ), ముకేశ్ వర్మ (శిఖోహాబాద్) ఉన్నారు.
ఓబీసీ నేత స్వామి ప్రసాద్ మౌర్య రాజీనామాతో భాజపాలో ఫిరాయింపులు మొదలయ్యాయి. ఇప్పటివరకు తొమ్మిది మంది ఎమ్మెల్యేలు ఆ పార్టీకి రాజీనామా చేశారు.
ఇదీ చూడండి : Nun rape case: అత్యాచారం కేసులో క్యాథలిక్ బిషప్ను నిర్దోషిగా తేల్చిన కోర్టు
