బంగాల్లోని అసన్సోల్ కోర్టులో ఆదివారం అర్థరాత్రి దుండగులు డోర్‌ తాళాలు పగలగొట్టి అల్మారాల్లో ఉన్న 400 ఫైళ్లు చోరీ చేశారు. అసన్సోల్ కోర్టు ప్రాంగణంలో ఉన్న మొదటి మున్సిఫ్ కోర్టులో ఈ ఘటన జరిగింది. ఈ విషయమై కోర్టుకు చెందిన హెడ్ క్లర్క్ అరూప్ దాస్, పేష్కర్ పోలీస్స్టేషన్‌లో ఫిర్యాదు చేశారు.
విషయం తెలుసుకున్న పోలీసులు ఘటనాస్థలాన్ని పరిశీలించారు. అక్కడ ఉన్న మిగతా ఫైళ్లను స్వాధీనం చేసుకున్నారు. ఈ ఘటనలో విచారించేందుకు ఒకరిని అదుపులోకి తీసుకున్నారు. చోరీ చేసిన కొన్ని ఫైళ్లను అసన్సోల్ చర్చి యార్డ్‌లో పాత పేపర్లు అమ్ముతున్న వ్యాపారి దగ్గర నుంచి పోలీసులు స్వాధీనం చేసుకున్నట్లు సమాచారం. అయితే ఈ దొంగతనం కేవలం కాగితాల అమ్మకం కోసమేనా లేదా ఏదైనా కుట్రలో భాగంగా జరిగిందా అనే కోణంలో పోలీసులు దర్యాప్తు చేస్తున్నారు.
- ఇదీ చదవండి:
- ఘోర ప్రమాదం.. బస్సు, లారీ ఢీ... నలుగురు మృతి
