విజయ డైరీ డైరెక్టర్ యెర్నేని సీతాదేవి మృతి

Vijaya Dairy Director Yerneni Sita Devi Passed Away : తెలుగుదేశం పార్టీ ​ నాయకురాలు, మాజీ మంత్రి, విజయ డెయిరీ డైరెక్టర్ యెర్నేని సీతాదేవి కన్నుమూశారు. సోమవారం ఉదయం గుండెపోటుతో హైదరాబాద్​లో మృతి చెందారు. సీతాదేవి ముదినేపల్లి నుంచి తెలుగుదేశం ఎమ్మెల్యేగా రెండు సార్లు ప్రాతినిధ్యం వహించారు. ఎన్టీఆర్ కేబినెట్​లో మంత్రిగా పనిచేశారు. ఆమె పార్ధివదేహాన్ని ఈరోజు సాయంత్రం స్వగ్రామం కైకలూరు నియోజకవర్గం, కలిదిండి మండలం, కోడూరుకు తరలించనున్నారు. అక్కడే అంత్యక్రియలు జరగనున్నాయి. సీతాదేవి మృతి పట్ల పలువురు రాజకీయ నేతలు సంతాపం ప్రకటించారు. ఆమె కుటుంబ సభ్యులకు ప్రగాఢ సానుభూతి తెలిపారు.