Truecaller AI Powered Call Recording Feature : స్వీడన్ దేశానికి చెందిన కాలర్ ఐడెంటిఫికేషన్ యాప్ 'ట్రూకాలర్' సోమవారం భారత దేశంలో 'ఏఐ పవర్డ్ కాల్ రికార్డింగ్' ఫీచర్ను ప్రారంభించినట్లు ప్రకటించింది. దీని వల్ల యూజర్లు ఇన్కమింగ్, అవుట్ గోయింగ్ కాల్స్ను యాప్లోనే రికార్డ్ (Truecaller call recording feature) చేసుకోవచ్చని పేర్కొంది.
ప్రీమియం సబ్స్క్రైబర్లకు మాత్రమే!
ఈ కాల్ రికార్డింగ్ ఫీచర్ పూర్తిగా పెయిడ్ సర్వీస్. ట్రూకాలర్ ప్రీమియం సబ్స్క్రిప్షన్ ఉన్నవారు మాత్రమే ఈ ఫీచర్ను ఉపయోగించగలరు. ఆర్టిఫీషియల్ ఇంటెలిజెన్స్తో పనిచేసే ఈ కాల్ రికార్డింగ్ ఫీచర్ - ఆండ్రాయిడ్, ఐఓఎస్ డివైజులు అన్నింటికీ సపోర్ట్ చేస్తుంది. కనుక యూజర్లు తమకు వచ్చిన ఇన్కమింగ్ కాల్స్ను, తాము చేసే అవుట్గోయింగ్ కాల్స్ను కూడా రికార్డ్ చేసుకోవచ్చు. అంతేకాదు డిటైల్డ్ నోట్స్ (ట్రాన్స్క్రిప్షన్) కూడా పొందవచ్చు. ప్రస్తుతానికి ఇది ఇంగ్లీష్, హిందీ భాషలకు మాత్రమే సపోర్ట్ చేస్తుంది.
ఈ ప్రీమియం ఫీచర్ ధర ఎంత?
ఈ ఏఐ పవర్డ్ కాల్ రికార్డింగ్ ఫీచర్ అనేది ట్రూకాలర్ ప్రీమియం ప్లాన్ తీసుకున్నవారికి మాత్రమే అందుబాటులో ఉంటుంది. ఈ ప్రీమియం ప్లాన్ ధర నెలకు అయితే రూ.75 ఉంటుంది. సంవత్సరానికి అయితే రూ.529 ఉంటుంది.
ఆటోమెటిక్ కాల్ ఆన్సర్- అవతలి వ్యక్తి మాటలు మీ స్క్రీన్పై టెక్స్ట్ రూపంలో
Truecaller Assistant India : ఇటీవలె భారతీయ యూజర్ల కోసం ట్రూ కాలర్ సరికొత్త ఫీచర్ను అందుబాటులోకి తెచ్చింది. ట్రూకాలర్ అసిస్టెంట్ పేరుతో ఈ ఫీచర్ను మార్కెట్లోకి తీసుకువచ్చింది. ఈ ఫీచర్తో మన కాంటాక్ట్ లిస్ట్లో పేరు లేని వ్యక్తులు కాల్ చేసినప్పుడు, వారి వివరాలను తెలియజేస్తుంది. ఫోన్ రింగ్ అవడానికి ముందే ఎవరు కాల్ చేస్తున్నారో చెప్పేస్తుంది. భారత్లో ట్రూకాలర్ యాప్లో ఫ్రాడ్, స్పామ్ కాల్స్ను నిలువరించేందుకు ట్రూకాలర్ అసిస్టెంట్ అనే ఈ కొత్త ఫీచర్ను అందుబాటులోకి తెచ్చింది. ఇంతకీ ట్రూకాలర్ అసిస్టెంట్ ఫీచర్ ప్రత్యేకతేంటో? ఈ ఫీచర్ ఎవరికి అందుబాటులోకి వచ్చిందో? తెలుసుకోవడానికి ఇక్కడ క్లిక్ చేయండి.
