కొండగట్టులో వైభవంగా హనుమాన్ జయంతి ఉత్సవాలు - రామ నామస్మరణతో మార్మోగుతున్న ఆలయం - Hanuman Jayanti in Kondagattu

Hanauman Jayanti Celebrations in Kondagattu : జగిత్యాల జిల్లా ప్రసిద్ధ పుణ్యక్షేత్రం కొండగట్టు చిన్న హనుమాన్ జయంతి సందర్భంగా రద్దీగా మారింది. తొలిరోజు భారీ సంఖ్యలో దీక్షాపరులు దీక్ష విరమణకు తరలి వచ్చినట్లు అర్చకులు తెలిపారు. ఇవాళ హనుమాన్ జయంతి సందర్భంగా భక్తుల రద్దీ మరింత పెరిగే అవకాశం ఉన్నందున అధికారులు తగిన ఏర్పాట్లు చేశారు.

Hanuman Jayanti in Kondagattu Temple : జగిత్యాల జిల్లా ప్రసిద్ధ పుణ్యక్షేత్రం కొండగట్టు చిన్నహనుమాన్‌ జయంతిని పురస్కరించుకొని రద్దీగా మారింది. దీక్షాపరుల రాకతో కొండంతా రామనామస్మరణతో మారు మోగుతోంది. భక్తుల తాకిడి పెరుగుతుండటంతో పోలీసులు భద్రతా చర్యలు పెంచారు. చిన్న హనుమాన్‌ జయంతి సందర్భంగా కొండగట్టు అంజన్న చెంతకు దీక్షా పరులు భారీగా చేరుకుని అంజన్నను దర్శించుకుంటున్నారు.

సోమవారం రోజున జయంతి ఉత్సవాలు ప్రారంభం కాగా బుధవారంతో ముగియనున్నాయి. రాష్ట్ర నలుమూలల నుంచి వచ్చే భక్తుల కోసం చలవ పందిళ్లు, తాగునీటి సౌకార్యం, పారిశుద్ధ్య నిర్వహణతోపాటు 900 మంది పోలీసులతో భద్రత ఏర్పాటు చేశారు. వాహనాల్లో వచ్చే వారి కోసం జేఎన్​టీయూ వద్ద, బొజ్జ పొతన, గుట్టకింద మూడు ప్రాంతాల్లో పార్కింగ్‌ ఏర్పాటు చేసి అక్కడి నుంచి ఆలయం వరకు ఉచిత బస్సు సౌకర్యం ఏర్పాటు చేశారు. జిల్లా కలెక్టర్‌ షేక్‌ యాస్మిన్‌ బాషా ఉత్సవాలను పరిశీలించారు.

మంగళవారం హనుమాన్​ జయంతి- అంజన్నకు ఇవి సమర్పిస్తే అన్నింటా విజయమే! - Hanuman Jayanti 2024

"హనుమాన్ జయంతి సందర్భంగా కొండగట్టు ఆలయంలో ఏప్రిల్ 22 నుంచి 24 వరకు ఉత్సవాలు నిర్వహిస్తున్నాం. దానికి తగిన ఏర్పాట్లు అన్ని చేశాం. ఈ సందర్భంగా భక్తులకు ఎలాంటి ఇబ్బందులు కలగకుండా షట్టర్స్​, తాగు నీటి సదుపాయం అలాగే ఎప్పుడు వైద్యులను అందుబాటులో ఉండే విధంగా చేశాం. భక్తుల కోసం మూడు ఆర్టీసీ బస్సులను ఉచితంగా పెట్టాం. మాల విరమణ కోసం ఏర్పాట్లు, మహిళలు కూడా అధిక సంఖ్యలో వస్తారు. వారికి కావాల్సిన అన్ని సౌకర్యాలు చేశాం. కానీ భక్తులకు ఒకటే విజ్ఞప్తి ఎండలు ఎక్కువగా ఉన్న కారణంగా అందరూ కాటన్​ దుస్తులు ధరించండి, నీళ్లు ఎక్కువగా తాగండి." - షేక్‌ యాష్మిన్‌ బాషా, జగిత్యాల జిల్లా కలెక్టర్‌

తొలి రోజు భారీ సంఖ్యలో దీక్షా విరమణకు తరలి వచ్చినట్టు ఆలయ ప్రధాన అర్చకులు కపిందర్‌ శర్మ తెలిపారు. ఈ రోజు హనుమాన్‌ జయంతి సందర్భంగా భక్తుల తాడికి మరింత పెరగనుందని చెప్పారు. భక్తుల రద్దీ దృష్ట్యా అన్ని ఏర్పాట్లు చేశామని వాటిని ఉపయోగించుకొని ఆంజనేయ స్వామిని దర్శించుకోవాలని సూచించారు. హనుమాన్ జయంతి రోజున ఆంజనేయ స్వామిని దర్శించుకుంటే భయాలు, కష్టాలు తొలగిపోతాయని భక్తుల విశ్వాసం.

"మాల విరమణ చేయడానికి వచ్చిన వారికి తగినంత మంది పండితులకు అందుబాటులో ఉన్నారు. తలనీలాలు సమర్ఫించే వారి కోసం వెయ్యి మంది ఉన్నారు. భక్తులందరూ వచ్చి ప్రశాంతంగా దర్శనం చేసుకుని, స్వామివారికి ఇరుముడి సమర్పణ చేసి, మాల విరమణ చేసి సంతోషంగా తమ ఇళ్లకు చేరాల్సిందిగా కోరుతున్నాం." - కపిందర్‌ శర్మ, ఆలయ ప్రధాన అర్చకులు