BRS MLA Harish Rao Fires On CM Revanth Reddy : తెలంగాణ ఉద్యమకారులపై తుపాకి ఎక్కుపెట్టిన వ్యక్తి ప్రస్తుతం సీఎంగా ఉన్నారని మాజీ మంత్రి, బీఆర్ఎస్ ఎమ్మెల్యే హరీశ్ రావు వ్యాఖ్యానించారు. రంగారెడ్డి జిల్లా షాద్నగర్ బీఆర్ఎస్ కార్యకర్తల సమావేశంలో పాల్గొన్న ఆయన కాంగ్రెస్పై తీవ్రస్థాయిలో విమర్శలు చేశారు. అలాగే లోక్సభ ఎన్నికలు (Lok Sabha Elections 2024) సమీపిస్తున్న నేపథ్యంలో పార్టీ కార్యకర్తలకు దిశానిర్దేశం చేశారు. ఈసారి ఎన్నికల్లో గులాబీ పార్టీ సత్తా చాటేందుకు అందరూ కృషి చేయాలని సూచించారు.
'షాద్నగర్లో స్వల్ప మెజారిటీతో ఓడిపోయాం. కనీసం ఇక్కడ మనకు ఎంపీ అయినా ఉండాలి. మనకి ఏదైనా సమస్యవస్తే ఎంపీ వచ్చి మనకు తోడుగా ఉంటాడు. అందుకు అందరూ కష్టపడాలి. ఎట్టి పరిస్థితుల్లో మహబూబ్నగర్లో గులాబీ జెండా ఎగురవేయాల్సిందే దానికి అందరు కార్యకర్తలు సిద్ధం అవ్వండి.' అని హరీశ్రావు అన్నారు.
'ఇచ్చిన గ్యారంటీలకు, బడ్జెట్‌ కేటాయింపులకు పొంతనే లేదు - బీజేపీ మౌనం వెనక మర్మమేంటి?'
తెలంగాణ ఉద్యమానికి శక్తినిచ్చిన నియోజకవర్గం షాద్నగర్ అన్నారు. ప్రత్యేక రాష్ట్ర పోరాట సమయంలో షాద్నగర్ ప్రజలు ఉద్యమంలో స్ఫూర్తిని నింపారని హరీశ్రావు గుర్తు చేశారు. అసెంబ్లీ ఎన్నికల ముందు కాంగ్రెస్ అరచేతిలో వైకుంఠం చూపించిందని మండిపడ్డారు. ప్రజలకు ఇచ్చిన హామీలు అమలు చేసేదాకా కాంగ్రెస్ను వదిలిపెట్టమని అన్నారు. కార్యకర్తలకు ఏదైనా సమస్య వస్తే ఫోన్ చేయాలని వారందరికి అండగా ఉంటామని హామీ ఇచ్చారు. కేసీఆర్ (KCR) ఒక్కడిగా బయలుదేరి దిల్లీని కదిలించి తెలంగాణను సాధించారని తెలిపారు.
" కల్వకుర్తి, నెట్టెంపాడు, భీమా, కోయల్ సాగర్ ఈ నాలుగు ప్రాజెక్టుల్లో 30 ఏళ్లలో ఉమ్మడి మహబూబ్నగర్లో కాంగ్రెస్ 27,300 ఎకరాలకు నీరు ఇచ్చింది. బీఆర్ఎస్ ప్రభుత్వం వచ్చిన తర్వాత 6,36,000 ఎకరాలకు నీరు అందించాం. కల్వకుర్తి పంపుహౌస్లో పడుకుని వారితో పనులు చేయించాం. పాలమూరు రంగారెడ్డి ప్రాజెక్టు పనులు 80 శాతం పూర్తయ్యాయి. మహబూబ్ నగర్, నాగర్ కర్నూల్, వనపర్తి, గద్వలా నారాయణ్ పేట్లో మెడికల్ కాలేజీలు వచ్చినాయంటే బీఆర్ఎస్ వచ్చాకనే వచ్చాయి." - హరీశ్రావు, బీఆర్ఎస్ ఎమ్మెల్యే
గ్యారంటీలు అమలు చేసే పరిస్థితి లేక గారడీలు చేస్తున్నారు - కాంగ్రెస్పై హరీశ్రావు ఫైర్
BRS Harish Rao on Lok Sabha Elections : కేంద్రంలో కాంగ్రెస్ (Congress) గెలిచే పరిస్థితి లేదన్నారు. పశ్చిమ బంగాల్ సీఎం మమతా బెనర్జీ కాంగ్రెస్కు 40 సీట్లు రావని అన్నారని తెలిపారు. కేంద్రంలో అధికారంలోకి రాని కాంగ్రెస్కు ఓటు వేస్తే ఎలాంటి ఉపయోగం లేదన్నారు. గల్లీలో ఎవరున్నా, దిల్లీలో ఎవరున్నా తెలంగాణ కోసం గొంతు విప్పేది బీఆర్ఎస్ ఎంపీలని చెప్పారు. కాంగ్రెస్ ఇచ్చిన ఆరు గ్యారంటీలు అమలు కావాలంటే, రూ.2 లక్షల రుణమాఫీ చేయాలంటే బీఆర్ఎస్ అభ్యర్థిని ఎంపీగా గెలిపించాలని కోరారు.
రాష్ట్ర హక్కులను కేంద్రం చేతిలో పెడితే అడుక్కోవాల్సి వస్తుంది - హరీశ్రావు
