Jasprit Bumrah Ind vs Eng: రాజ్కోట్లో ఆల్రౌండ్ ప్రదర్శనతో అదరగొట్టిన భారత్ టెస్టుల్లోనే అతిపెద్ద (పరుగుల పరంగా) విజయాన్ని నమోదు చేసింది. ఇక ఫిబ్రవరి 23నుంచి రాంచీలో జరగనున్న టెస్టు మ్యాచ్కు టీమ్ఇండియా ప్రిపేర్ అవుతోంది. అయితే మిగిలిన రెండు టెస్టులకు స్టార్ పేసర్ జస్ప్రీత్ బుమ్రాకు రెస్ట్ ఇచ్చే ఆలోచనలో బీసీసీఐ ఉన్నట్లు తెలుస్తోంది. ఈ మేరకు బోర్డు మెంబర్ ఒకరు ఈటీవీ భారత్తో చెప్పారు.
'2024 వరల్డ్కప్ సమీపిస్తున్న నేపథ్యంలో అతడిపై వర్క్లోడ్ పడకుండా చూసుకోవాలని టీమ్ఇండియా మేనేజ్మెంట్కు బీసీసీఐ చెప్పింది. బుమ్రాకు ఇదివరకు జరిగిన గాయాలు దృష్టిలో ఉంచుకొని అతడిని లిమిటెడ్గానే ఉపయోగించుకుంటేనే మంచిది' అని బీసీసీఐ మెంబర్ చెప్పారు. అలాగే రాబోయే ఐపీఎల్లో బుమ్రాపై పనిభారం పెంచి రిస్క్ చేయవద్దని బీసీసీఐ, ముంబయి ఇండియన్స్ ఫ్రాంచైజీతో చెప్పినట్లు తెలుస్తోంది. ఇక టీమ్ఇండియా జట్టు మంగళవారం రాంచీకి చేరుకుంది. కానీ, బుమ్రా రాజ్కోట్ నుంచి నేరుగా ఇంటికి వెళ్లినట్లు తెలుస్తోంది. దీంతో ఇంగ్లాండ్తో భారత్ ఆడబోయే తదుపరి రెండు టెస్టులకు బుమ్రాకు విశ్రాంతినివ్వడం పక్కాగా కనిపిస్తోంది. కానీ, దీనిపై ఇంకా క్లారిటీ రావాల్సి ఉంది.
శుక్రవారం పిచ్ పరిశీలించిన తర్వాత రాంచీ టెస్టుకు జట్టును ఎంపిక చేసే ఛాన్స్ ఉంది. అయితే పిచ్ సాధారణంగా బ్యాటింగ్కు అనుకూలించినట్లైతే పేసర్లలో ముకేశ్ కుమార్ లేదా ఆకాశ్ దీప్లో ఒకరు తుది జట్టులో ప్లేస్ దక్కించుకుంటారు. ఒకవేళ స్పిన్కు అనుకూలమైతే భారత్ నలుగురు స్పిన్నర్లతో బరిలో దిగే అవకాశం ఉంది. అందులో రవిచంద్రన్ అశ్విన్, రవీంద్ర జడేజా, అక్షర్ పటేల్, వాషింగ్టన్ సుంగర్ జట్టులో ఉండనున్నారు. అయితే చివరిసారిగా టెస్టుల్లో భారత్ 2012లో నలుగురు స్పిన్నర్లతో బరిలోకి దిగింది.
కాగా, ఈ సిరీస్లో బుమ్రా అద్భుతంగా రాణించాడు. ఇప్పటికే అతడు మూడు మ్యాచ్ల్లో కలిపి 17 వికెట్లు పడగొట్టి, సిరీస్లోనే లీడ్ వికెట్ టేకర్గా కొనసాగుతున్నాడు. ఇదే సిరీస్లో రెండో మ్యాచ్లోనే బుమ్రా టెస్టుల్లో 150 వికెట్ల ఘనత సాధించాడు. ఓవరాల్గా బుమ్రా 35 మ్యాచ్ల్లో 157 వికెట్లు పడగొట్టాడు.
బహు పరాక్‌ - ఆ పోరాట స్ఫూర్తే పరుగుల తపస్విగా మార్చింది!
ఇంగ్లాండ్తో నాలుగో టెస్ట్ - టీమ్ ఇండియా స్టార్ ప్లేయర్ దూరం!
