ETV Bharat / sports

చీటింగ్ కేస్​ - హార్దిక్‌ పాండ్య సోదరుడు అరెస్ట్​! - Hardik Pandya cousin arrest

author img

By ETV Bharat Telugu Team

Published : Apr 11, 2024, 11:10 AM IST

Updated : Apr 11, 2024, 12:11 PM IST

చీటింగ్ కేస్​ - హార్దిక్‌ పాండ్యా సోదరుడు అరెస్ట్​
చీటింగ్ కేస్​ - హార్దిక్‌ పాండ్యా సోదరుడు అరెస్ట్​

Hardik Pandya Cousin Arrest : వ్యాపారంలో క్రికెటర్స్​ హార్దిక్‌, కృనాల్‌ పాండ్యను రూ.కోట్లలో మోసం చేశాడు వారి కజిన్ వైభవ్‌ పాండ్య. దీంతో పోలీసులు అతడిని అరెస్టు చేశారు.

Hardik Pandya Cousin Arrest : స్టార్ క్రికెటర్లు హార్దిక్‌ పాండ్య, కృనాల్‌ పాండ్య తమ సమీప బంధువు చేతిలో మోసపోయారు. వరుసకు సోదరుడయ్యే వైభవ్‌ పాండ్య ఈ ఇద్దరిని మోశం చేశాడని తెలిసింది. పార్ట్‌నర్‌షిప్‌ బిజినెస్‌లో దాదాపు రూ.4.3కోట్ల మేర కుచ్చుటోపీ పెట్టాడట వైభవ్​. ఇది తెలుసుకున్న పాండ్య బ్రదర్స్​ ముంబయి పోలీసులను ఆశ్రయించారు. దీంతో ఆర్థిక నేరాల విభాగం అధికారులు వైభవ్‌ను అరెస్టు చేశారు.

అసలు ఏం జరిగిందంటే? పాండ్య సోదరులు హార్దిక్​, కృనాల్ తమ​ కజిన్‌ వైభవ్​తో కలిసి 2021లో పాలిమర్‌ బిజినెస్​ ప్రారంభించారు(Hardik Pandya Business). ఇందులో హార్దిక్‌, కృనాల్​కు 40శాతం చొప్పున పెట్టు బడులున్నాయి. మిగతా 20శాతం వైభవ్ వాటా. అతడే ఈ బిజినెస్​కు సంబంధించి అన్నీ బాధ్యతలు, రోజువారీ కార్యకలాపాలను చూసుకుంటూ ఉంటాడు. అయితే లాభాలను కూడా ఇదే నిష్పత్తిలో పంచుకుంటుంటారు.

అయితే అంతా చక్కగా సాగుతున్న సమయంలో హార్దిక్​, కృనాల్​కు తెలీకుండా వైభవ్ మరో పాలిమర్‌ బిజినెస్​ను ప్రారంభించాడని తెలిసింది. ఇదంతా​ కొద్ది రోజుల క్రితమే జరిగిందట. దీంతో గతంలో పార్ట్నార్​షిప్​ ద్వారా పెట్టిన బిజినెస్‌కు లాభాలు తగ్గాయి. దాదాపు రూ.3 కోట్ల వరకు నష్టం కూడా వాటిల్లిందని తెలిసింది. పైగా వైభవ్‌ సీక్రెట్​గా తన ప్రాఫిట్ షేర్​ను కూడా 20శాతం నుంచి 33 శాతానికి పెంచుకున్నాడట. సంస్థ మెయిన్ అకౌంట్‌ నుంచి చాలా డబ్బును తన ఖాతాకు ట్రాన్స్​ఫర్​ చేసుకున్నాడు. . అలా మొత్తంగా దాదాపు రూ.4.3 కోట్ల వరకు పాండ్య బ్రదర్స్​ను మోసం చేశాడు.

ఇక ఈ విషయం గురించి తెలుసుకున్న పాండ్య బ్రదర్స్​ వైభవ్​ను నిలదీశారంట. అయితే వైభవ్ రివర్స్​లో పరువు తీస్తానంటూ బెదిరింపులకు దిగినట్లు తెలిసింది. దీంతో హార్దిక్‌, కృనాల్‌ ముంబయి పోలీసులను ఆశ్రయించారు. ఇక కేసు నమోదు చేసుకున్న ముంబయి అధికారులు వైభవ్‌ను అరెస్టు చేసి జైల్లో ఉంటారు. దీనిపై తదుపరి దర్యాప్తు కొనసాగించనున్నట్లు తెలిపారు. కాగా, హార్దిక్ ప్రస్తుతం ఐపీఎల్​లో ముంబయి ఇండియన్స్​కు కెప్టెన్​గా వ్యవహరిస్తున్నాడు. కృనాల్ లఖ్​నవూకు ఆడుతున్నాడు.

ముంబయి Vs ఆర్సీబీ - ఈ ఆటలో ఇద్దరూ గెలవాల్సిందే! - MI Vs RCB IPL 2024

ఆకాశ్​ కారులో రోహిత్! - హిట్​మ్యాన్​ కోసం ఆ ఫ్రాంచైజీ రెడీ! - Rohit Sharma Mumbai Indians

Last Updated :Apr 11, 2024, 12:11 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.