దిల్లీ న్యూ హోం గ్రౌండ్- విశాఖలో మ్యాచ్​లు ఎందుకంటే?

Delhi Capitals Matches Vizag: 2024 ఐపీఎల్ తొలి విడత షెడ్యూల్ వచ్చేసింది. మార్చి 22నుంచి ఏప్రిల్ 7దాకా మొత్తం 21 మ్యాచ్​లు ఆయా వేదికల్లో జరగనున్నాయి. తొలి మ్యాచ్ చెన్నై సూపర్ కింగ్స్​- రాయల్ ఛాలెంజర్స్ బెంగళూరు మధ్య జరగనుంది. ఈ మ్యాచ్​కు చెన్నై చెపాక్ స్టేడియం వేదికకానుంది. తొలి విడత టోర్నీలో నాలుగు డబుల్ హెడర్ మ్యాచ్​లు ఉన్నాయి. ఇక ఈసారి విశాఖపట్టణంలోనూ ఐపీఎల్ మ్యాచ్​లు జరగనున్నాయి. కానీ, విశాఖ సన్​రైజర్స్​ హైదరాబాద్​కు కాకుండా దిల్లీ క్యాపిటల్స్ జట్టుకు హోం గ్రౌండ్​ కానుంది. ఎందుకంటే?

టోర్నీలో అన్ని జట్లు తమతమ హోం గ్రౌండ్​లో కనీసం రెండేసి మ్యాచ్​లు ఆడనున్నాయి. కానీ, దిల్లీకి మాత్రం తొలి విడత టోర్నీలో విశాఖ స్టేడియం హోం గ్రౌండ్ కానుంది. అయితే 2024 డబ్ల్యూపీఎల్​లో ఎలిమినేటర్‌ సహా, ఫైనల్‌ మ్యాచ్‌ దిల్లీ అరుణ్ జైట్లి మైదానంలోనే జరగనున్నాయి. డబ్ల్యూపీఎల్ ముగిసిన 11 రోజుల్లోనే దిల్లీ సొంత మైదానంలో మ్యాచ్ ఆడాల్సి ఉంది. అయితే ఒకే గ్రౌండ్​లో వరుస మ్యాచ్​లు నిర్వహిస్తే పిచ్ దెబ్బతినే ప్రమాదం ఉండడం వల్ల, దిల్లీ ఫ్రాంచైజీ- బీసీసీఐ కలిసి ఈ నిర్ణయం తీసుకున్నట్లు తెలిసింది. దీంతో 31న చెన్నైతో, ఏప్రిల్ 3న కోల్​కతాతో దిల్లీ క్యాపిటల్స్ విశాఖ స్టేడియంలో తలపడనునుంది. ఇక రెండో విడత టోర్నీలో దిల్లీ మిగిలిన 5 మ్యాచ్​లు యథావిథిగా హోం గ్రౌండ్​లోనే ఆడనుంది.

హైదరాబాద్​లో మ్యాచ్​లు ఎప్పుడంటే? సన్​రైజర్స్ హైదరాబాద్ తొలి విడత టోర్నీలో 4మ్యాచ్​లు ఆడనుంది. అందులో రెండు మ్యాచ్​లు హైదరాబాద్ ఉప్పల్ స్టేడియంలో జరగనున్నాయి. మార్చి 27న ముంబయి ఇండియన్స్​తో, ఏప్రిల్ 5న చెన్నై సూపర్ కింగ్స్​తో సన్​రైజర్స్​ హోం గ్రౌండ్​లో ఆడనుంది. ఇక మార్చి 23న కోల్​కతాతో, మార్చి 31న గుజరాత్​ టైటాన్స్​తో సన్​రైజర్స్ మిగిలిన రెండు మ్యాచ్​లు ఆడనుంది.

Sunrisers Hyderabad Team 2024: గ్లెన్ ఫిలిప్స్, సన్వీర్ సింగ్, హెన్రిచ్ క్లాసెన్, భువనేశ్వర్ కుమార్, మయాంక్ అగర్వాల్, టి. నటరాజన్, అన్మోల్‌ప్రీత్ సింగ్, మయాంక్ మార్కండే, ఉపేంద్ర సింగ్ యాదవ్, ఉమ్రాన్ మాలిక్, నితీష్ కుమార్ రెడ్డి, ఫజల్‌హాక్ ఫరూఖీ, షాబాజ్ అహ్మద్, ట్రావిస్ హెడ్స్, పాట్ కమిన్స్​, వానిందు హసరంగ, జయ్​దేవ్ ఉనాద్కత్, ఆకాష్ సింగ్, అబ్దుల్ సమద్, అభిషేక్ శర్మ, మార్​క్రమ్, మార్కో జాన్సన్, రాహుల్ త్రిపాఠి, వాషింగ్టన్ సుందర్.

'ఆ ఫార్ములాతో మూడోసారి విజేతగా SRH!' ఎంఎస్కే ప్రసాద్​తో ఈటీవీ భారత్​ ఎక్స్​క్లూజివ్