Babar Azam Trolled: పాకిస్థాన్ మాజీ కెప్టెన్ బాబర్ ఆజమ్కు స్వదేశంలో చేదు అనుభవం ఎదురైంది. 2024 పాకిస్థాన్ ప్రీమియర్ లీగ్ (Pakistan Premier League 2024)లో ది పెష్వార్ జల్మి- ముల్తాన్ సుల్తాన్ మ్యాచ్ జరుగుతుండగా సొంత దేశం అభిమానులే బాబర్ను ట్రోల్ చేశారు. దీంతో ఆగ్రహానికి గురైన బాబర్ చేతిలో ఉన్న బాటిల్ను ఫ్యాన్స్పై విసరబోయాడు.
బాబర్ ఆజమ్ ది పెష్వార్ జల్మి జట్టుకు కెప్టెన్గా వ్యవహరిస్తున్నాడు. శుక్రవారం ముల్తాన్ సుల్తాన్తో మ్యాచ్ జరుగుతుండగా బాబర్ బౌండరీ లైన్ వద్ద టీమ్మేట్స్తో కలిసి కూర్చున్నాడు. మ్యాచ్ చూసేందుకు వచ్చిన ప్రేక్షకులు 'జింబాబర్', 'జింబాబర్' అంటూ బాబర్ను ట్రోల్ చేశారు. దీంతో బాబర్ తన కోపాన్ని కంట్రోల్ చేసుకోలేకపోయాడు. 'ఇలా రండి' అన్నట్లుగా సైగ చేసిన బాబర్, తన చేతిలో ఉన్న వాటర్ బాటిల్ను వారిపై విసరబోయాడు. ప్రస్తుతం ఈ వీడియో సోషల్ మీడియాలో వైరల్గా మారింది.
అయితే బాబర్ జింబాబ్వేపై సిరీస్ల్లో మాత్రమే హాఫ్ సెంచరీలు, సెంచరీలు బాది ర్యాంకింగ్స్లో టాప్ ప్లేస్ దక్కించుకున్నాడని కొందరు అంటుంటారు. అందుకే అతడిని సోషల్ మీడియాలో విపరీతంగా ట్రోల్ చేస్తుంటారు. అయితే ఈసారి ప్రేక్షకులు హద్దులు దాటి ప్రవర్తించారు. ఏకంగా లైవ్లోనే బాబర్ను విమర్శించారు. ఇక 2023 వరల్డ్కప్లో పాకిస్థాన్ ఓటమికి పూర్తి బాధ్యత వహించిన బాబర్ అన్ని ఫార్మాట్ల కెప్టెన్ బాధ్యతల నుంచి కూడా తప్పుకున్నాడు. ప్రస్తుతం బ్యాటర్గానే కొనసాగుతున్నాడు.
ఇక మ్యాచ్ విషయానికొస్తే, టాస్ నెగ్గిన పెష్వార్ బ్యాటింగ్ ఎంచుకుంది. నిర్ణీత 20 ఓవర్లలో పెష్వార్ ఎనిమిది వికెట్ల నష్టానికి 179 పరుగులు చేసింది. కెప్టెన్ బాబర్ ఆజమ్ (31 పరుగులు) ఫర్వాలేదనిపించాడు. ఛేజింగ్లో ముల్తాన్ సుల్తాన్ 174 పరుగులకే కుప్పకూలింది. దీంతో పెష్వార్ 5 పరుగుల తేడాతో నెగ్గింది. ఈ సీజన్లో మూడు మ్యాచ్లు ఆడిన పెష్వార్ ఎట్టకేలకు బోణీ కొట్టింది. ప్రస్తుతం 2 పాయింట్లతో పెష్వార్ ఐదో స్థానంలో ఉండగా, ముల్తాన్ సుల్తాన్ 6 పాయింట్లతో టాప్లో ఉంది.
స్టంపౌట్ చేశాడని రిజ్వాన్ను బ్యాట్తో కొట్టబోయిన బాబర్!- వీడియో చూశారా?
