EU Countries Recognizing Palestine : ఇజ్రాయెల్- హమాస్ మధ్య జరుగుతున్న యుద్ధంలో కీలక పరిణామం జరిగింది. పాలస్తీనాను స్వతంత్ర దేశంగా గుర్తిస్తూ నార్వే, ఐర్లాండ్, స్పెయిన్ చారిత్రక నిర్ణయం తీసుకున్నాయి. మే28 నుంచి పాలస్తీనాకు అధికార గుర్తింపును ఇవ్వనున్నట్లు తెలిపాయి. ఈ నిర్ణయం పట్లు పాలస్తీనా వాసులు సంతోషం వ్యక్తం చేయగా, ఇజ్రాయెల్ తీవ్రంగా వ్యతిరేకించింది. వెంటనే నార్వే, ఐర్లాండ్లోని తమ రాయబారులను వెనక్కి రావాలని ఆదేశించింది.
పాలస్తీనా అధికారికంగా గుర్తించేందుకు గత కొన్ని వారాలుగా యూరోపియన్ దేశాలు ప్రయత్నాలు చేపట్టాయి. రెండు రాష్ట్రాల విభజనకు అంగీకరించి ప్రాంతంలో శాంతిని నెలకొల్పాలని కోరుతున్నాయి. తాజాగా నార్వే నిర్ణయంతో అనేక ఇతర యూరోపియన్ దేశాలు సైతం ఆ వైపు అడుగులు వేసే అవకాశం ఉంది. నార్వేకు ఈయూలో సభ్యత్వం లేకపోయినా రెండు రాష్ట్రాల ప్రతిపాదనకి బలమైన మద్దతును ఇస్తుంది.
రెండు రాష్ట్రాల ప్రతిపాదన కోసమే
పశ్చిమాసియా ప్రాంతంలో శాంతి నెలకొనాలంటే గుర్తింపు తప్పనిసరని నార్వే ప్రధానమంత్రి జోనాస్ ఘార్ అన్నారు. అందుకోసమే ప్రత్యేక పాలస్తీనాను గుర్తిస్తున్నట్లు వెల్లడించారు. మే 28 అధికారికంగా గుర్తించి, అరబ్ శాంతి ప్రణాళికను అమలు చేస్తామని తెలిపారు. పాలస్తీనా స్వతంత్రంగా ఉండడం దాని హక్కు అని, హమాస్తో పాటు ఇజ్రాయెల్, రెండు రాష్ట్రాల ప్రతిపాదనను వ్యతిరేకించే వర్గాలు హింసను ప్రోత్సహించాయని చెప్పారు.
స్వతంత్ర పాలస్తీనాను గుర్తిస్తూ ఐర్లాండ్, స్పెయిన్ ప్రధానమంత్రులు కీలక ప్రకటన చేశారు. స్పెయిన్, నార్వేల సమన్వయంతో ఈ నిర్ణయం తీసుకున్నామని ప్రధానమంత్రి సైమన్ హరీస్ తెలిపారు. ఇది పాలస్తీనాతో పాటు ఐర్లాండ్కు చారిత్రక రోజుగా అభివర్ణించారు. ఇజ్రాయెల్- పాలస్తీనా మధ్య యుద్ధానికి రెండు రాష్ట్రాల ప్రతిపాదనతో పరిష్కరించే ఉద్దేశంతోనే చేశామన్నారు. పశ్చిమాసియాతో పాటు ఇతర అనేక మంది నేతలతో తాను మాట్లాడానని, పాలస్తీనాలో శాంతిని నెలకొల్పే ఉద్దేశం ఇజ్రాయెల్ ప్రధాని బెంజిమన్ నెతాన్యాహూకు లేదన్నారు. శాంతి, న్యాయం కోసమే ఈ నిర్ణయం తీసుకున్నట్లు స్పెయిన్ ప్రధానమంత్రి పెడ్రో శాంచెజ్ తెలిపారు. ఈ నిర్ణయం కేవలం ఇజ్రాయెల్ ప్రజలకు వ్యతిరేకంగా మాత్రమే తీసుకున్నామని చెప్పారు. పాలస్తీనాకు గుర్తింపు ఇవ్వాలని నిర్ణయించినట్లు ఈ నెల ఆరంభంలోనే అగ్రరాజ్యం అమెరికాకు తెలిపింది స్పెయిన్.
రాయబారులను వెనక్కి రప్పించిన ఇజ్రాయెల్
మరోవైపు పాలస్తీనాకు గుర్తింపును ఇస్తూ మూడు దేశాల తీసుకున్న నిర్ణయం పట్ల ఇజ్రాయెల్ ఆగ్రహం వ్యక్తం చేసింది. ఐర్లాండ్, నార్వేలోని ఇజ్రాయెల్ రాయబారులు వెంటనే వెనక్కి రావాలని విదేశాంగ మంత్రి కాట్జ్ ఆదేశించారు. గాజాలో బందీలుగా ఉన్న ఇజ్రాయెల్ పౌరులను తిరిగి ఇచ్చే ప్రయత్నాలకు ఈ గుర్తింపు అడ్డుకుంటుందని చెప్పారు. కాల్పుల విరమణకు ఆటంకం కలిగించి, యుద్ధ తీవ్రతను పెంచుతుందని తెలిపారు.
7 నెలల కాల్పుల విరమణకు హమాస్ ఓకే- రఫాపై దాడి ప్రకటన వెంటనే అంగీకారం - israel hamas ceasefire
'నెతన్యాహు, హమాస్ నేతలపై అరెస్ట్ వారెంట్'- ఐసీసీని కోరిన ప్రాసిక్యూటర్ - Israel Hamas War
