Vikrant Massey 12th Fail OTT : ప్రతి ఒక్కరూ తమ జీవితంలో తప్పకుండా చూడాల్సిన కొన్ని సినిమాలు ఉంటాయి. అలాంటి వాటిలో ఈ 12th ఫెయిల్ కూడా ఒకటి. సామాన్యులే కాదు సెలబ్రిటీలు కూడా ఈ సినిమాపై ప్రశంసలు కురిపించకుండా ఉండలేకపోయారు. ప్రధాన పాత్ర పోషించిన విక్రాంత్ మస్సే నటనను తెగ మెచ్చుకున్నారు. చాలా మందికి ఈ చిత్రం ఎమోషనల్గా బాగా కనెక్ట్ అయింది. అందరూ కంటతడి పెట్టుకున్నారు.
విధు వినోద్‌ చోప్రా దర్శకత్వం వహించిన ఈ చిత్రం విమర్శకుల ప్రశంసలను కూడా అందుకుంది. ఇంటర్నెట్‌ మూవీ డేటాబేస్‌ (ఐఎమ్‌డీబీ)లో అత్యధిక రేటింగ్‌ పొందిన ఇండియన్‌ సినిమాగా రికార్డు నెలకొల్పింది. హాలీవుడ్ సినిమాలను సైతం వెనక్కినెట్టింది. అయితే ఈ చిత్ర డిజిటల్ స్ట్రీమింగ్ రైట్స్ను ప్రముఖ ఓటీటీ ప్లాట్ ఫామ్ డిస్నీ+ హాట్‍స్టార్ సొంతం చేసుకున్న సంగతి తెలిసిందే. గతేడాది డిసెంబర్ 29న కేవలం హిందీ వెర్షన్ మాత్రమే స్ట్రీమింగ్కు అందుబాటులోకి వచ్చింది. కానీ ఇప్పుడు తాజాాగా తెలుగు వెర్షన్ కూడా అందుబాటులోకి వచ్చింది. మరి ప్రశంసలతో పాటు ఎన్నో పురస్కారాలు దక్కించుకున్న ఈ 12th ఫెయిల్ చిత్రాన్ని థియేటర్లలో మిస్ అయితే ఎంచక్కా ఓటీటీలో చూసేయండి.
12th Fail Story : ఇక ఈ సినిమా కథ విషయానికొస్తే మనోజ్‌ కుమార్‌ అనే వ్యక్తి నిజ జీవితం ఆధారంగా రూపొందింది. 12వ తరగతి ఫెయిల్ అయిన ఆయన పేదరికం, ఆర్థిక కష్టాలను దాటుకుని ఐపీఎస్‌ ఎలా అయ్యాడనే ఆసక్తికర కథతో తెరకెక్కింది. ఈయన ఇప్పుడు ముంబయి మహానగర అడిషనల్‌ కమిషనర్‌. ఈయన జీవిత కథను ఆయన మాజీ రూమ్‌మేట్‌ పాండే ఉరఫ్‌ అనురాగ్‌ పాథక్‌ ట్వెల్త్‌ ఫెయిల్ అనే పుస్తకంగా రాశాడు. దీనినే ప్రముఖ హిందీ దర్శకుడు విధూ వినోద్‌ చోప్రా సినిమాగా తెరకెక్కించి బాక్సాఫీస్ ముందు సూపర్‌హిట్‌ అందుకున్నారు. గతేడాది అక్టోబర్‌లో విడుదలైన ఈ సినిమా విశేష ఆదరణ సొంతం దక్కించుకుంది. ఇక ఈ చిత్రంలో హీరోయిన్గా నటించి ఒక్కసారి ఫేమ్‌ సొంతం చేసుకుంది నటి మేధా శంకర్‌. ఇప్పుడీ ఈ చిత్రం ఆస్కార్‌ బరిలోనూ నిలిచేందుకు పోటీపడనుంది. జనరల్‌ కేటగిరిలో ఇండిపెండెంట్‌గా చిత్రబృందం నామినేషన్‌ కూడా వేసింది.
- " class="align-text-top noRightClick twitterSection" data="">
'షూటింగ్లో ప్రాణాలను అరచేతిలో పెట్టుకుని పరిగెత్తా' - బాలయ్య NBK109 భామ
ఒకప్పుడు ఛాన్స్లు లేక సూసైడ్ ప్రయత్నం - కట్ చేస్తే ఇప్పుడు ఓటీటీలో స్టార్ హీరో!
